يامرحبا في مرحبا والكاذب الله يلعنه=يقولها شاعر من اهل الدين وأهل المعرفه
يالفالح انته فيك عله من قديم ومزمنه=رأع الذلول الأوله وشلون تبغا تردفه

دام البقا بالشاعر اللي باخصه وادري عنه=يوعد ويوفي والوعد مهما حصل ما يخلفه
انا رفيقٍ ما تجيك المخطيه دايم منه=وانا شدادي ما تغيّر والذلول معسّفه

انته من اهل الميسره ولا من اهل الميمنه=مار أنتبه واللي تعدا عن حدوده نوقفه
ترا الشداد شدادنا واللي كذب من يامنه=يلي تغطرف لاتغطرف خل عنك الغطرفه

اظنّ راسك فيه حبّ ما انطحن وابطحنه=ونهايتك على يديني والنهايه مؤسفه
اشدادكم فوق القعود اللي نقوده برسنه=وشدادنا كل الرجال اهل الحميه تعرفه

حنا رجالً مايخوفنا كلام الألسنه=لكن يارجال خل الغطرسه واللفلفه
ترى الكلام اللي بلا برهان كلً يدفنه=ترى الشداد أشدادناولأانت ماعرفلك صفه

قولي على فعلي ولا انقل همّ بعض العيّنه=ياللي على كيفي ما غير احرّفه واصرّفه
قصة شدادك تالي الايام قصه محزنه=وحنا صقورٍ فوق هامات الجبال المشرفه

مالك فعولن بينه ولأ الهروج أهوينه=حنا رجالً ثابته مثل الجبال النايفه
أنا شدادي ماتغير فالليال البينه=لأواحليلك يالطوير اللي تحب الرفرفه