سر ياقلم وإكتب حروفٍ إجْـدادَه=اكتب جزيل القول وأحبك معانيـه
ونصه لقرمٍ مايبـا لـي إشـاده=إشادته كسـبٍ كسبهـا بأياديـه
وزودٍعلاها فاز معهـا بشهـاده=كل يقول ونعـم حتـى معاديـه
الشاعر اللي كل طـرقٍ أجـاده=هذاك أبوفيصل عسى الله يعافيـه
سلام ياشيخٍ لـه الطيـب عـاده=اللي رقا بالطيب لأعلى مراقيـه
ياحبيب أباأنشدك وأبغى الإفـاده=لشيٍ يدور بخاطري ومبتلش فيـه
السيف ويش به ماظهر من غماده=بشر عسى فعله ينومس لراعيـه
ماعادفيهـا يالعتيبـي جــلاده=عمر الفتى لوطال .الموت قافيـه
أعلن بحد السيف حرب الإبـاده=بروس العداءلازم تبين مواريـه
اما يصير السيف من سيوف ساده=ولايعـود سيفنـا فـي مخابيـه
ونعذر ونقول السيف جاته قـراده=وللسيف هاذا سيوفٍ أخرى تحاليه
وتمت ولاعندي علاهـا زيـاده=ولاتبطي بردك تـراي متحريـه

المشاركة الأصلية كتبت بواسطة متعب العصيمي (المشاركة 323110) السيف ويش به ماظهر من غماده بشر عسى فعله ينومس لراعيـه .. صح لسانك أبن مسلم .. واسنتها على شاعر عملاق .. .. والله يطول بعمر ابو فيصل .. .. لاخلا ولاعدم .. .. موودتي ..

المشاركة الأصلية كتبت بواسطة مرزوق العتيبي (المشاركة 323145) ولاتبطي بردك تـراي متحريـه ولاتبطي بردك تـراي متحريـه ... اسندت على علم .... قصيده رائعه بروعتك يابن مسلم ... صح لسانك ... وننتظر رد ابو فيصل ... ...

المشاركة الأصلية كتبت بواسطة ابوبجاد الرويس (المشاركة 323177) معاد فيها يالعتيبي جلاده عمر الفتى لوطال الموت قافيه الله الله على الابداع وعلى البيوت الحكم لك كل موده يابن مسلم اخوك/ ابوبجاد الرويس