كـون الزمـن ينخـدع بأيـام دواره=ودار الفلك في صباهـا مـع هبايبهـا
والجو زاين ومزنـه يدفـع أمطـاره=والزرع ركبْ على الكـوره مناكبهـا
وكل الجبال العذيه راحـت إجحـاره=ساوت سهول السواحل مـع شعايبهـا
والذئب سرحان مايقـدم علـى نـاره=يقفـي ويقبـل وشاتـه لأ يقربـهـا
وصيد البحر مأيصيـده كـود سنـاره=على ظهور السفـن صيـده مكالبهـا
والبـر مأيقنصـه ياكـود صـقـاره=بسهوم مشـوك عطيبـات ٍمضاربهـا
والحرب مأينطحـه قاصـرة ٍأشبـاره=يوم العزاوي شعـار ٍفـي حرايبهـا
مأينطحه ياكود مـن تاتيكـم اخبـاره=جده وخالـه صويـب ٍمـن سبايبهـا
لأجأ نهار الصياح وعارضـوا غـاره=علـى شيـوخ ٍتعقـد فـي حواجبهـا
واليوم كـلٍ يقـول ويقـدح أنـواره=واللي تحيزم بهـا يشـرب مغاربهـا
الهرج زايد وبعض النـاس محتـاره=حتى عرب سايبـه تفتـل شواربهـا
اعفيشها يدرج وانجـس مـن الفـأره=وأم المحالـب تغـذى مـن محالبهـا
ونمورها فـي حضيـره دوم منهـاره=وثيرانهـا شاكلتهـا مــع ثعالبـهـا
وراع الشداد القديم يروض احـواره=حلة عليـه مصيبـه فـي مناصبهـا
وراع العسيفه يقديهـا علـى أمهـاره=ولأ شاف خيف البحـر لازم يقاربهـا
واصحاب دف الدفوف بصوت مزماره=تسمع لهـا عـزوة ٍبأقصـى نحايبهـا
قامت تقود الشعر في ساحة اشعـاره=حلت موارث قبائـل فـي مكاسبهـا
حتى نجوم السمـاء فالجـو منثـآره=والشمس يمكن تجينـا مـن مغاربهـا
من يوم زبد البحـر يزمـي بمعبـاره=يمكن تضيع الكواكـب مـع مواكبهـا
والغوج لو يرتفـع يرجـع لمحـداره=مع درب منهي معـه تنفـخ ترايبهـا
وكثرة فروخ القطأ فالشعـب والقـاره=وأم الجدايـل تلافـح لـي ذوايبـهـا
وربعي عتيبه تحب الطيب مع كـاره=واحسب حسـاب القبائـل يأمجربهـا
وسيوفنـا فالنحـر ماهيـب غـداره=هاذي سمات ٍغريبـه مـن مواهبهـا
وايامنـا مقبلـه للخيـر وأشــراره=والكوكبـه تعتلـي عالـي مواكبهـا
وهاذي رموز الفخر والعلم بالشـاره=وساعات بقبـن تبـأ تشـر عقاربهـا
جتكم وصيه وكـل ٍ يرمـي أجمـاره=وش ربح راع الرديه مـن مكاسبهـا