انا حضرت وادير الهجوس مع الزمان الشيــن=عسى الامه تصوت في مجالس عارف الامــه
عتيبه مع عتيبه والمخادع مع جنود حسيـــــــن=ليأ طالت على الطايل نوردها على الجمـــــــه

هلا يامرحبا والخير والم واليدين يدين=تفضل باليمين وسم بسم الله على اللقمه
عتيبه مع عتيبه والمخادع ماقضى له دين=ليا طالت على الطايل اجيك معصب العمه

صليب الراس يضرب بالسهوم الواقفه حديــن= وكل (ن)يندفع للطيب والرجال مع عمــه
وتراني ياعميلي ما أتمشى يمك بوجهـــــــــين= لكن الداب ينقل خافي الاسقام في سمــه

انا ماقلت الونها وهي ماتقبل التلوين=ولكني لقيت الناس يبن الناس ملتمه
رقيت الضلع والا مارقيت الله علاك يعين=تلف تدور والا ماتلف الهمه الهمه

اقول امسك طريق ٍمستقيم وخلها ثلثــين= عمود البيت قده لأتجي فالماقفه نمـــــه
والا ياراقي الضلعان حنأ فالفضأ ساريـن= ترأ ضلعك يسمى ياعميلي عالي الحمه

عدوك ماتضره لا لطمت الخد بالكفين=ولكنك تبا تضره ليا رديتها يمه
تلقيت الفضا بجناحك الضافي على المتنين=واخذت الاذن من ناسا وبعت الارض والذمه