قصيدة أبو زيد الغبيوي في من يظهر الخير ويبطن السوء
 

كم واحد لاجيت يضحك بسنـــه ----- ماهي بضحكة حب ضحك صناعـي
يضحك وحربه في غيابي يشنه ----- لوكان ماعنده هجوم ودفــــــــاعــي
والحقد في داخل ضميره يكنــه ----- مايدري اني نجدتي من ذراعـــــــي
لاجيت ابا احليه حلياه كنـــــــه ----- ياللي لكم وقفه وصيت يذاعـــــــــي
ما كنه إلا عقرب مستكنــــــــه ----- ترضع من الحيات ومن الأفاعـــي
ماني خشير له بهيله وبنـــــــه ----- يروح عني في الدروب الوساعـي
حبه ماهو فرض ولاهو بسنـه ----- دامه طبوعه ماتحالي طباعــــــــي
مادام من غيضه يجر له ونــه ----- ماينشري بجنيه مصري يباعـــــي
حتيش لو سني ماهو كبر سنـه ----- الفرق عند العقل لاصار واعــــي
رزقي على اللي حط نار وجنـه ----- ماغيره احد فالبسيطه يطاعــــــي
وليا عطى عطاه مافيه منـــــــه ----- ماهو بمد اهل القلوب الوجاعــي
مايجمع الصاحين ضمن المجنه- ---- إلا السقيم اللي حياته ضياعــــي


الشاعر :أبو زيد الغبيوي

..

صح اللسان , وسلّم البناان

قصيده جزله . من راس جزل ..

وبيض الله وجهك ..

..

.

مشكور يا بوزيد على القصيدة وأشهد أنك فخر لعتيبة كلها وبيض الله وجهك

أشكرك على هذا التعليق والشعور الطيب

صح لسانك يابوزيد رائعة رئعة رائعة عسى الله لايهينك

ماني خشيرله بهيله وبنه # يروح عني فالدروب الوساعي
حبه مهو فرض ولاهوب سنه #دامه اطبوعه ماتحالي اطباعي
اهنيك ابو زيد علي القصيده
الحكمه هذة
بالتوفيق.

صح لسان الشاعر ولاهنت

صــــح لســانــك يابو زيــــــد الغبيــوي
كم واحــدٍ لاجيت يضحك بسنه ****** ماهي بضحكة حب ضكك صناعي

بيض الله وجهك يابوزيد شاعر ولك المستقبل أنشا الله تمنياتي لك بالتوفيق

صح لسانك يابوزيد الغبيوي

ولاهنت على المشاركة الطيبة

وبيض الله وجهك

يامرحبا يابو تركي


قصيده رائعه


من روائعك المعهوده



صح لسانك وسلم بنانك




وحياك الله في منتداك




تحياتي