الليل ياراعي الدواهي والدواهي دوب جات= يالداهيه جاك الدها شيل الدها حط الدها
وان كان ناوي بالقشر ماعاد فيه مجاملات=اما لطمنا عينها ولا صفقنا خدها

والله مافكرت فيها لا كميت ولامرات= واللي تواعدني بيوم العسر بلعن جدها
مادام عنتر راح ماعقب عيال ولابنات= نبي نقلدك المهمة وانت خلك قدها

قدام تاخذك الثقه لاتحسب ان ابليس مات=الله عطاك القوّة اللي قد عطانا ضدها
اثر الزلامي لو عرف يقود بعض الطايرات=اقرب عماره بالحويه بالجناح يهدها

انته تجيب اعلوم ماهي بالعلوم الاولات=لاكن والله ماتريّح لين تونس حدها
انته منول عدل والليله عليك مخالفات= سويت مثل اللي ليا جاعت تعشت بدها

الحد نعم الحد لكنه موقّع في صفات= لكن ياراع القديمي في خباها ردها
انا علي مخالفات انته عليك ملاحظات=وان قلت عندك عشها اقول بكره غدها

انته سوات ابليس يعطى فالضحى عشر احصوات= غيرك شياطين تحاول ودها ماودها
ان طعتني يالعازمي هوّن على روحك وبات=ترى الوجيه القشر نعرف مزحها من جدها

يابوي اخذ قسمك تراها سبع في سبع اجمرات=انته حناجيرك وسيعه ماش شي يسدها