قصيدة الجيــل للشاعر {نايف النخيش}
 

الجيل هذا فيه مـن كـلّ الأشكـال .. والطالحين أكثـر مـن الصالحينـا
عز الله أنّه غير عن كـلّ الأجيـال .. الله يعـافـيـنـا ولا يبتـلـيـنـا
فيه الولد ناعم ولـو تزهمـه مـال .. مدهون راسـه بالولـع والحنينـا
مراجلـه علـى بلوتـوث جــوّال .. خالي من الثنتيـن دنيـا .. ودينـا
والبنـت مكشوفـه تلـوّا وتختـال .. ولا أدري تلوّا ليه بنـت اللذينـا
واللبس بنطال المشاهيـر الأبطـال .. ماعاد يصلح لبسنـا اللـي علينـا
موضه قديمه .. ثوب وشماغ وعقال .. يا اللي تبنطلتي معـك بنطلينـا
الرجل عوّد بنت .. والبنـت رجّـال .. قمنا نعيب الوقـت والعيـب فينـا
واشيب عيني مير سقها يـا هـذّال .. ولا عاد تآخذني لسوق المارينـا

ثامر ..

بيض الله وجهك .. وصح لسان اخوك نايف ..
قصيده جزله ..

صح السانك مشكور على القصيده الرايعه
تقبل مرور اخوك البراق