توارثها البشر فالوقت جيلٍ يعقبه جيل
 

السلام عليكم ورحمة الله وبركاته

ألاخوة الافاضل هذه أول مشاركة اتقدم بها في المنتدى وإن شاءالله تعجبكم
[poet font="Times New Roman,4,black,bold,normal" bkcolor="silver" bkimage="" border="double,7,burlywood" type=0 line=200% align=center use=ex length=0 char="" num="0,black" filter=""]
بدى الهيثم وغنى له بلغزٍ جمله تجميل=علشان الرفيق اللي طلب نظمه وبرهانه
يبي ينشدك عن جملة بناتٍ مالهن مثيل=لهن حكمٍ قويٍ للبشر نمشي على شانه
بعضهن يجبرك غصبٍ ولو أنك قويٍ حيل=ومن لا يفتهم مضمونها مافاد عصيانه
توارثها البشر فالوقت جيلٍ يعقبه جيل=تساوي راعي الصحراء مع اللي جوف دكانه
من دوّر عليها ميل ماحصّل عليها ميل=وهي ماتقرب الكيال والمكيال ميزانه
[/poet]
وتقبلوا تحياتي,,,

حيا الله الهيثم
مشاركة رائعة
من شاعر رائع

هلا وغلا يا الهيثم
مصافحة رائعه من شاعر ننتظر منه الكثير

اهلا بك والمحل محلك وبين اخوانك

بدايه موفقه..... ونتمنى لك التوفيق
تقبل تقديري

شكراً ياعبدالاله وتراني ماني شاعر
 

السلام عليكم ورحمة الله وبركاته
مرحبا ومسهلا فيك ياعبدالاله ومشكور على الاطراء وننتظر رمعتك للغز
ولك تحياتي,,

المهلي مايولي يابن شامان
 

تسلم على الكلام الجميل يابن شامان وتراك وهقتني لأني ماني شاعر الله يسلمك ويطول في عمرك وشهاده اعتز فيها , وترى كلها كلمات موزونه والنهاية كونت لغز وشلون جات مدري .
ننتظر رمعاتك وبالتوفيق للجميع
ولك تحياتي’’

مسيت بالخير اخوي الهيثم

عندي رمعة للغز
وهي أيات القران الكريم 0

وتقبل تحياتي

مرحبا ومسهلا ومسيت بالرضا والعافية
بالنسبة لآيات القرآن الكريم مالك لوا وحاول مرة ثانية

رمعة للغز الهيثم
 

مشكور أخوي الهيثم وعندي رمعة عساها تكون حل اللغز
ماتكون عقارب الساعة
أو أجهزة الماجلان
أو نجم الثريا

مرحبا ومسهلا فيك وحياك الله ياهلا وغلا
 

مرحبا ياهلاوغلا وحياك الله
بالنسبة لعقارب الساعة أو اجهزة ماجلان أو نجم الثريا مالك لوا وكلها غير صحيحة
خيرها في غيرها مرة تخطي ومرة تصيب
ولك تحياتي,,,