يا معدي المرقاب خله لمشطون
 

ارسل الامير:محمد الاحمد السديري رحمه الله
قصيده لنمر بن صنت الحافي رحمه الله.
يقول:

يا معدي المرقاب خله لمشطون=حول وخل مولع القلب يرقا
خله لمشطون[ن] تزايد به الكون=على عشير[ن] زود الهجر فرقا
كبدي من الغالي بها تسعة اطعون=والعاشره يا نمر بالقلب زرقا
طفل[ن] يتل القلب تل[ن] بلا هون=يسبا الفؤاد ويسرق الحال سرقا
محد[ن] عشق مثلي من الحضر وضعون= شمر, وعناز[ن]،وروق[ن] وبرقا
سهرت يوم ان الخلايق ينامون=ويزيد نوحي كل ما ناح ورقا
ياسف لي اللي للهوى ما يعرفون=ويا نمر شلاني من الدمع غرقا

وكان رد نمر بن صنت الحافي:

عز الله اني شفت برق[ن] تخيلون=ما شفت مثله كل ما لاح برقا
ما اجديت عن قلبي يا بو زيد مرهون=وعلى صخيف الكبد وسم[ن] معرقا
عينت بصري،قبلنا، وابن لعبون=اهل القلوب اللي من الود حرقا
وقيس الملوح من هوى البيض مجنون=ينوح مثلك كل ما ناح ورقا
الود قدامك على الناس مسنون=الهيف،والقبله، وشام[ن]، وشرقا
ود[ن]على وضح النقا منه مأمون=وشيخ العرب ما يدرق الحب درقا

ابن جدعان
تسلم يمناك على القصيد الجزل وصح السانك والسان الشعراء السديري والحافي
قصايد تستحق النشر
لاتحرمنا من مثل هذه النوعيه
تقبل تحياتي

مشكور
 

صح السانك وما قصرت

(( الدلبحي ))

حياك الله .

ومشكور على مرورك.

عثمان الوقداني:

صح بدنك.

مشكور يإبن جدعان وبيض الله وجهك
على هالإختيار لأعلام من أعلام الشعر الشعبي
رحمهما الله وأسكنهما فسيح جناته.
وننتظر منك الجديد والمفيد
ولك مني ألف تحية
أخوك/ الحر الأشقر

لا شكر على واجب يالحر الاشقر.

وابشر بالخير.