قصيدة الشاعر لافي الغيداني الحربي في شاعر المليون
 

يرد فيها الشاعر علي أسباب عدم مشاركة حرب في شاعر المليون



للي يبي المليون ينصى الإمارات
واللي يبي ماعند ربه يصلي

وأظن والله ماعليه ملامات
شي يعل الكبد ياناس علي

وشلون شاعر تنتخبه المسنجات
والشاعر الموهوب خله يولي

في شاطي الراحه صراخ وهتافات
وتنطحك روظه كالغزال المطلي

والمسأله فيها رسوم وحسابات
ومليونهم تل الملايين تلي

واللجنه اللي شكلت خمس دولات
مبرمجه في شفرتن ماتحلي

أحدن يجيز وواحدن فيه فزعات
يرفع عقاله لابن عمه يهلي

وللشاعر الأهدل سلام وتحيات
عقبه غدا غسان ثورن مفلي

وللشعر ناس وللشواعير وقفات
واللي يغالطني يجي في محلي

سبيل مات وماقفه حي مامات
وقفت شرف ماهي مزوح وتسلي

وحرب العريبه حاربت قبل دولات
مسطرن تاريخهم بالسجلي

وإن كان تبغى الحل إقرأ السجلات
وبعده تراك من الغلط بألف حلي

ترأ سجود السهو مشروع بالذات
سجدة سهو تجبر صلاة المصلي

بيض الله وجهك يامتيم على النقل وصح لسان الشاعر وعز الله ماكذب

صح لساان الشاعر وبيض الله وجهك على النقل

صح لسان الشاعر وتسلم يمينك علا النقل ونعم بقبيلة حرب هذولا شبابه

يعطيك العافية يامتيم ولاهنت علي النقل
تحياتي

شكرا ً على الايراد يامتيم عتيبه
وهذه القصيده للشاعر فيحان بن ناحل الحربي
وليست للشاعر لافي الغيداني .....

وللشاعر الأهدل سلام وتحيات
عقبه غدا غسان ثورن مفلي


صح لسان الشاعر ولاهان الناقل

والله ماندري ولكن ماهذا اسلوب لافي ....!!


وشكرا............................،

هذه القصيده للشاعر :(
(( فيحان ابن ناحل الحربي ))


يالربع للتنبيه فقط ...