الهيـــــــــــــلا *** منتدى قبيلة عتيبة - عزالله انك يامستور عطيتها تركي بن 2000 كاش مار مايفهم العلم

- منتدى شاعر المليون (http://www.otaibah.net/m/forumdisplay.php?f=82)

عزالله انك يامستور عطيتها تركي بن 2000 كاش مار مايفهم العلم

تشاوووووووووو يالربع

مبروك لابن فطيس المري الفوز بلقب شاعر المليون وعزالله انه شاعر ويستاهل وماكن ينافسه غار يوسف والشمري بس دقرلها المريخي في اللجنة والدويش فالاتصالات وحجبت الاصوات عن يوسف وضيعت بعض اصوات الشمري من تحت راس خشير المريخي وولد الالفين

والمكسب الكبير في معرفة شاعر من قبيلة عتيبة مثل دولة العراق العظيم خير تمثيل ومثل الشهامة والاصالة رغم صغر سنه وصار بروزه في المسابقة اكبر من لقب شاعر المليون وهو اكثر شخص برز في هالبرنامج وكسب شعبية وجماهيرية كبيرة

ماودي اطول عليكم

تذكرون محاورة مستور مع ابن 2000 يوم مستور ينصحه يقول تراك تبا تجيب العيد فيه ويكشفك الله قدام خلقه لانه عارف مستواه مار بعض الناس مايفهم وراح برجلينه يم حتفه

والمحاورة هي

مستور

تحزمت ياتركي وسافرت يـم دبـي........تحاول على المليون ماهو لك ياخـي
وانا اظن ثاني روحتك ماتعود حـي.......صلاتي وتسليمي على أفضل عباد الله

تركي بن 2000

تحزمت يوم أكثر الناس ما من لـون........امثل بلادي وربعي على العسر والهون
وأنا شاعر القلطه وأنا شاعر المليون.......صلاتي وتسليمي على افضل عباد الله

مستور

خسرت الرسائل مير راحت على لا شيء........وصارت كما البرنامج اللي على الماشي
ونذرن على أن فزت لأذبحلك الحاشـي........صلاتي وتسليمي على افضل عبـاد الله

تركي بن 2000

با فوز بأمر الله ومثلي ماهو بمهـزوم.......لكن صبرك يالعتيبـي يامـال القـوم
وحاشيك عشه لربعك اللي ورا أم الدوم....صلاتي وتسليمي على افضل عباد الله

لاوالله غار انهزمت بعد منافستك مع شعراء مبتدين وصغار سن

عزالله ان ابوتركي عطاه العلم مار الغرور ووعود المريخي سواتله منكح ومابناه من جماهيرية من عام 2000 خرطها برنامج شاعر المليون وانكشف المستور لاشعر ولاعزيمة تحدي

ويتحمل ذنبه المريخي اللي دهوره وعده بالفوز والنتيجة اخذ اللقب وخلاه شاعر مبتدي

الله يعوض تركي 2000

يعجبني الشاعر الي يقول كلمته ثم يبرهنها مثل مستور

عكس تركي 2000 الي خسر اللقب بعد ماكان ضامنه في مخباه

واللهم لاشماته

ووجل تركي 2000 وجهه وجه حاشي تخب عليه دجاج دو

تركي خسر اشياء كثيره وانخدع

الذيب والله هو محمد بن ذيب العجمي
ما خلا اللجنة تقيمه وهو ذكي من هالناحية

وايضا التويجري كان ذكي لما قام قبل ما تقيمه اللجنة

اما تركي اخذ مكان ما هو مكانه
وقلل من مستواه بالمشاركة

ونذرن على أن فزت لأذبحلك الحاشـي........صلاتي وتسليمي على افضل عبـاد الله
بس وش يقصد مستور ( بالحاشي )؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

تركي 2000 ما يستاهل حاشي يستاهل دجاج كنتاكي الي بدون عظم

فيصل الحمراني

ما يقصد الحاشي اللي يعرفونه الناس كلهم

يقصد شي ثاني يمكن انت تعرررفه واذا ما عرفته ارسله لك بالخاص

لان المجال ما يسمح لي بصراحه

وتركي عز الله انه غلط غلطة كبيره يوم شارك في شاعر المليون لانه راح يتعب في مجال المحاوره

وتحياتي للجميع

دكتور يابو تركي نذرت تذبح حاشي ان فاز بالمليون
وكنت قد عرفت مستواه وواثق انه لن يفلح .
يالربع شعار عتيبه عجبين بفراستهم وبعد نظرتهم
فقد قالها وبرهنها قبل ابو تركي
ابو جميل مع الكويتي راع المجله
وابو فيصل خلف عندما وعد جابر بعودته للكويت
قالها على لسان المغفور له بأذن الله الملك فهد
.