ألا يالله يـا مجـري سحـابـه =و يا منزل على الهـادي كتابـه
بيدك الخيـر يـا رب العبـادي =و تهدينا على نهـج الصحابـه
إلـهٍ فالـق الإصبـاح نـورا =إلـهٍ رحمتـه تسبـق عـذابـه
و ألا يا عزوتي يا تـاج راسـي =هل الطالات و رجـال المهابـه
هل الميقاف و أهل الطيب كلـه =بوقت السلـم و لا ّ فالحرابـه
عتيبه لاطميـن العايـل اللـي =على نهج الخطا يشعـب ركابـه
هل الفزعات مـوردْة الهنـادي =حياض الموت تقدم مـا تهابـه
بوقت الحرب تثبت ما تزعـزع =جريح القوم ما يبـرى صوابـه
و تشهد فعلهم كـل القبايـل =و يدري جاهل ٍ ما قـد درابـه
و لا يا عزوتي يا صلب جـدي =وصل وقت التحدي و المجابـه
نبا فزعاتكـم يأهـل الحميّـه =ما دام السيف عزه من نصابـه
نبا التصويت ياصل حـد عالـي =من العتبان و أيضاً مـن شبابـه
نبا نخلـف بعيـدات الهقـاوي =و نخلف ظـن محْكمْـة الرقابـه
تحاموا ضد يوسف يـا عتيبـه =و لا واحد بعد يحسب حسابـه
و لا أدري وش سبب كل التحيز =سؤال وما لقانـا لـه جوابـه
و لا يا يوسف أبشر يا حزامـي =نبا نفزع معك حتـى الشيابـه
عتابه عدها راهـي و مـروي =تبا ترويك يـا عـزوة عتابـه
عسى حظك من الأيـام طيـب =و عسى عمرك يطول بك شبابه
و لك مني و من ربعـي تحيـة =تحيـة عـن عتابـه بالنيـابـه
وصلاة الله على خيـر البريـة =عدد ما لاح برقٍ فـي سحابـه