يا عتيبه يا مزبنه الجلاوي=ياعمى المقرود وافين الفعولي
يا بني عمي بعيدين الهقاوي=يا جبال طويق واخوال الرسولي
يا سند من يا سمه في الكبد كاوي=ياعذاب الخصم لا دق الطبولي
يا محيط الهند يا الحر النداوي=يا حمل من كادته نقل الحمولي
يا قبيله طيبها ما هوب غاوي=لو تغير كل شي ما يزولي
افزعوا للي مسك الخط الملاوي=يوسف ينادي عليكم افزعولي
دامها صارت عزاوي في عزاوي=اشعلوها واسرجوا ظهر الخيولي
صوت بالفعل ما هو بالحكاوي=كل واحد يركب شداد الرحولي
كل شي مصدره امر سماوي=والسبب مطلوب فعله يا الزحولي
العتيبي لا يبات الليل طاوي=لا يصير بوادي الغبن معزولي
يستحق الفوز والبشت الحساوي=يستحقه لو زعل خطو العذولي
ندعي الله له بتحقيق المناوي=شاعر عتيبي وموقفنا رجولي
كل حر منزله راس الغلاوي=والطمان بساحته ماله نزولي
ما يطيب الزاد وتطيب القهاوي=لين يوسف يمتطي ظهر الذلولي
لا يروح الذيب يا عتبان عاوي=تحقيق الهدف بعد الوصولي
وخاتمه ما قلت مسك وعود جاوي=وان حصل تقصير يالربع اسمحولي