أرق قصيده قالتها عابره سبيل قبل وفاتها..رحمها الله
 

قرأت
هذه القصيده المؤثره جدا
وقال ناشر الأبيات في أحد المنتديات الشاعر سبعان
أنها آخر ماقالته الشاعره الكبيره المرحومه بإذن الله ( عابرة سبيل ).
قبل وفاتها بساعات ووجهتها لزوجها..
والأبيات توضح ذلك وتبين ثبات المؤمن وقبوله بقضاء الله وقدره .

وللدعوه للشاعره بالرحمه
ولأن في أبياتها عبرة كبيرة للمؤمن
وأن كل إنسان سائر على هذا الطريق
وأن الكل راحل لامحاله إن طال عمره أو قصر
ــــــــــــــــــ
ـــــ



ترى
الذبايح و أهلها ما تسليني
أنا أدري إن المرض لا يمكن علاجه


أدري تبي راحتي لايا بعد عيني
حرام ما قصرت يديك في حاجه


أخذ وصاتي وأمانه لا تبكيني
لو كان لك خاطرٍ ما ودي إزعاجه


أبيك في يديك تشهدني وتسقيني
أمانتك لا يجي جسمي بثلاجه


لف الكفن في يديك وضف رجليني
ما غيرك أحدٍ كشف حسناه واحراجه


أبيك بالخير تذكرني وتطريني
يجيرني خالقي من نار وهاجه


سامح على اللي جرى ما بينك iوبيني
أيام نمشي عدل وأيام منعاجه


همي عيالي وأنا اللي فيْ كافيني
علمهم الدين تفسيره ومنهاجه


رحم الله الشاعره // عابره سبيل

أنقلها لكم


وبعد وفاتها رد عليها زوجها بهذي القصيدة الرائعة والمؤثرة:

حاو
لت أنام وحاربت عيني النوم ^ . ^ وجاريت صوت مثل صوت الذيابـــه

الجفن كنه بوسطه هـــــــــزوم ^ . ^ ودموع عيني مثل رش السحابـــــــــه

على وليف ( ن) قالوا اليوم مرحوم ^.^ راح وتوفى ما تهانه بشبابــــــــه

زرت القبور اللي على بعضها رسوم ^ . ^ و حطيت رسم فوق ذيك النصابـــه

قلبي من الدنيا عليل ومسموم ^ . ^ والرسم توه عقب حطت كتابــــــــــــــ
ه

أحبها مير القدر صار مقسوم ^ . ^ و تحبها كل الأهل والقرابـــــــــــ
ـــــــــه

الموت أخذ شجعان وقروم ورخوم ^ . ^ وأخذ رسول الله وكل الصحابـــــــه

الله يرحم اموات المسلمين اجمعين

تحياتي للجميع منقوله من منتدى مجلس عتيبه
الابرق

مشكورالابرق
 

أخذ وصاتي وأمانه لا تبكيني
لو كان لك خاطرٍ ما ودي إزعاجه


أبيك في يديك تشهدني وتسقيني
أمانتك لا يجي جسمي بثلاجه
هذا نهاية الدنياء الفانيه

الشرف
 

لف الكفن في يديك وضف رجليني
ما غيرك أحدٍ كشف حسناه واحراجه

الله يرحم اموات المسلمين، ويغفر خطاياهم وذنوبهم وهو القادر على كل شي
ولكن ما هو المرض الذي حل بالشاعرة المرحومة عابرة سبيل
وهل هي عتيبية حسب ما سمعت

لا هنت على القصه والقصيد وتقبل مروري
مع تحيات الهضيباني

لا ياخواني هي ليست عتيبيه

ابو فايح الشاعرة اللي غنى لها خالد عبدالرحمن هي غيوض وليست عابرة


اللهم ارحمها رحمة واسعه وادخلها فسيج جناتك

لا هنت على القصه والقصيد

انا اشهد.......الله يرحمها

ويغفر لها ويرحم جميع المسلمين

لاهنت يالابرق .. على النقل الرائع

تقبل مروري