يوسف نخى الهيلا وجت مستجيبه=عتيبه هل العادات عند الصمايل
ما فيه نخوه مثل نخوة عتيبه=ورثٍ قديم من الجدود الاوايل
قبيلةٍ لها مكانه وهيبه=مشهورةٍ بالطيب بين القبايل
تضامنت مع صوت من ينتخي به=اهل الوفاء والجود واهل الجمايل
فزعاتهم بالضيق ما هي غريبه=ذباحة الحايل عمى كل عايل
عز الرفيق وعز من يلتجي به=شيب وشباب وروس كل الحمايل
من الطايف ومكة وركبة وطيبه=وفقار نجد وكشب واطراف حايل
رجالهم ما ينحني للغليبه=عن ميه من اعداه لا جاك صايل
الطفل منهم عقله بعقل شيبه=ظهر على الشاشه وبث الرسايل
فريد من نوعه وصوره عجيبه= الله يصونه من حسد كل قايل
يا يوسف اللي خانك الله حسيبه=ومليونهم تلقى بداله بدايل
الجائزه تصويت ربعك عتيبه=اهل الكرم والمسرجات الاصايل