يالله ياللي تـرزق الطيـر فالخـلا = وان صاد رزقـة فالخـلا قنعـان
والطير في وكره مسهل معوشتـه = وعنـد العنايـة طـار بالجنحـان
والفلك تمشـي والعنايـة تقودهـا = والعـزم عنـد النـار والـدخـان
والحفظ من رب السماوات العلـى = سبحـان مـن لايقهـره سلطـان
يعرف مقر الحوت والثور والثـرى = ومافي تخوم الارض شـيء كـان
ويوحي دبيب النمل في ملتقى الصفا = ويعلـم بهـم ماشيـن اوسـكـان
والـروح يعلمهـا ويعلـم مقرهـا = لهـا يـوم فيـه تفـارق الخـلان
مدري عملهاعنـد مالـك يعذبـه = ولا السعـادة توصلـه رضــوان
اصحابنا عند الحكايـا ميـة نفـر = وعنـد الشدايـد روحـو شـتـان
ولولا الشدايد مانبا صحبة العـرب = ولـولا الشدايـد مانبـا صدقـان
شكيل العرب من عند بابي يمرنـي = يخف المشـي لاتقـرع الحذيـان
مامقصدي يحييني الي يمرني = حيـاة النفـوس بدبـرة الرحمـن
ولوكان واحد قـط يحيـي رفيقـه = سلـم الـدوا لا يدفقـه لقـمـان