النـت والمنتـدى من صدق وش تعـنـي = من دون مثلك وطيبك مالها قيمه
زعلـت مـن جملـة (ن) تلمـيـح طامعـنـي = قدام يمناه تشر لي بتسليمه
والغلطة اللى من اغلى الناس توجعني = والقصد منها ولي دقه بتعليمه
لـكـن بالظـلـم لـيـش الـحـوت يبلعـنـي = ويحرمني الورق ليش اسمع ترانيمه
كنت احسبك مع مرور الوقت تسمعني=مع جدب الايام والا فالسماء غيمه
وان كان قصدك تعداني وترجعني= ماني على كيف حكم الوقت والضيمه
لو سيف فرقاك بارهف حد قطعني=يبقى شدادي تشوفه في ظهر ريمه
أنـا عـلـى الطـيـب متـربـي وشبعـنـي =ابوي بالطيب انا ثاني معازيمه
عـلـم اخـويـه وطـاعـه ثــم طـوعـنـي= اعيال شيخ(ن) حشيم وعندنا شيمه
مـانـي بـهـامـل ولا ربـــي مضيـعـنـي = مسلم وعاقل واصلي الفرض واقيمه
من يوم عمـري ثمـان اسنيـن طبعنـي = بطبوع الاسلام والدين وتعاليمه
حتـى بحـب الكـرم والضـيـف ولعـنـي = لين الكرم شفت في وجهي تباسيمه
واخدم على الضيف حتى أنه يودعني = عز وفخر والليالي طيب ومقيمه
لو تعلـم الغيـب وسـط القلـب تطبعنـي= الطبعه اللي تغير لك تقاسيمه
سـكـنـت فالـقـلـب والله مـــا طلـعـنـي = انا دخيل الوجيه اللي لها قيمه

المشاركة الأصلية كتبت بواسطة أبو نجر النفيعي (المشاركة 308554) . النت والمنتدى من صدق وش تعنـي من دون مثلك وطيبك مالهـا قيمـه صح لسانك يا عبدالاله , قصيده جزله من راس جزل,, ولا تحرمنا جديدك.. مودتي أخوـوـوـوـوـوـك

المشاركة الأصلية كتبت بواسطة _الثبيتي_ (المشاركة 309023) صح لسانك قصيدتن طيبه ولالاهنت