محاورة بين الشاعر رشيد الزلامي والشاعر صياف الحربي
 

[poet font="Arial,5,darkblue,bold,normal" bkcolor="transparent" bkimage="backgrounds/11.gif" border="none,4,deeppink" type=0 line=200% align=center use=ex length=0 char="/" num="0,black" filter=""]
المحاورة التالية جرت بين الشاعرين الكبيرين رشيد الزلامي وصياف الحربي




الزلامي:




الصاحب اللي غاب عنا سنه واليوم شفناه
ماودي أنشد صاحبي عارفٍ سبة غيابه
بس المهم اليا تعافى نقول الحمدلله
ون كان ماقالوه خندف يقولونه شبابه


صياف:



الادمي فالكون مسؤول عن دينه ودنياه
اما رجع ولا تلوى به الذيب وسرابه
ليت الزلامي هاك الايام خامسني بيمناه
ثم أعتزى بحزامه اللي مع الناس اعتزوا به


رشيد الزلامي:



ياصاحبي صياف ماقيل فالماضي لقيناه
مليت من مشعان مجول وهذيك الربابه
إلى صدف له واحدٍ في هذاك الدرب خاواه
وانا اتحرى صاحبي لين تلفي به ركابه


صياف:



روح إقلب الصفحة وتلقى الكتاب اللي كتبناه
وان كان ماتقراه يقراه غيرك بالنيابه
ياليت ذاك الحمل عند العرب فقصاه وادناه
لكن اخاف إنك تجي به وتعطيه القرابه


رشيد الزلامي:



شفنا لنا خطٍ على الصفحه ملواه
واكيد ماهو من كلام النبي ولا الصحابه
العام يوم نسوق الجمل يازين ممشاه
واليوم عسى الله يغيثه بقطره من سحابه


صياف:



هرج الزلامي لو تلقاه فالسوق اشتريناه
لكن من كثر الحسد يلتوي به فالشعابه
[/poet]
[/poet]
[/poet]

مشكور الله يعافيك
على المحاوره الطيبه والجزله
تقبل تحياتي

العفو
 

الله يعطيك العافيه اخوي على مرورك وشكرا