ليا منا رمينا لضريبه=هدفنا من عوايدنا نصيبه
ابى اهني وابارك واتمثل=في رجل(ن) شال اسم ربعه عتيبه
رجل شاعر وساطي ومتحدي=تجيله بالرضا وألا الغصيبه
وقف وقفت نداوي ومتعلي=حريبه من مصيبه في مصيبه
ألا ياذيب جر عواك جره=ولا تلحقك شكات(ن) وريبه
على شانك رمينا بالعمايم=بعيده مار جبناها قريبه
احد ينطح عتيبه في زعلها=ابد في ذمتي ماهي غريبه
ألا ياعتيبه الهيلا حزامي=ابن عاصم ينومسنا قنيبه
لزوم انا نواصل فالمسيره= ألين الخصم يرضخ بالغليبه
ألا يومنها جت للتحدي=جريح(ن) نطرحه يعجز طبيبه
وبعد راحت دنافس في دنافس=نشوم وكلنا عز(ن) وهيبه
ولكن واصلوا والخير مقبل=وعلم الغيب عند الله وغيبه

المشاركة الأصلية كتبت بواسطة نايف االعضياني (المشاركة 314111) فزاع صح لسانك ويستاهل ابن عاصم وعاشت الهيلا

المشاركة الأصلية كتبت بواسطة ولد شباب (المشاركة 314158) ماأجمل هذه القصيدة يا.. فزاعي العصيمي من حسنها وجمالها طبعتها !! لنشرها إذا سمحت لي !!

المشاركة الأصلية كتبت بواسطة ابن عياد الروقي (المشاركة 314270) ألا ياذيـب جـر عـواك جـره ولا تلحقـك شكـات(ن) وريبـه علـى شانـك رمينـا بالعمايـم بعيـده مـار جبناهـا قريـبـه احد ينطح عتيبـه فـي زعلهـا ابد فـي ذمتـي ماهـي غريبـه اقسم بالله انك مبدع صح الساااااااااااانك 1000000 مره