بسم الله الرحمن الرحيم

هذه القصيده تشرفت بألقائها في حفل قبيلة عتيبه الذي أقامه الشاعر سلطان الجلاوي
وأرجوا تحوز على رضاكم والمعذره على القصور

ألا يامرحبا عند الجلاوي=يمينه كنها السيل السناوي
غمرها بالصخا من شان ربعه=اوجمعنا ووحدنا العزاوي
تراحيبٍ تعم اللي حضرنا=عدد مافي الفضا نجمٍ سماوي
تشرفنا بجمع أبنا القبيله=رجال الطيب مخلفت الهقاوي
ألا يالله تجملني بجاهك=بيومٍ مايجيلي بالمناوي
ليا مني وفيت بمدح ربعي=فأنا عن باقي أشعاري غناوي
هل الطالات وزحول المعارك=موثقت المراجل بالعراوي
حداهم لاحذف كفه شماغه=يضد من العدا تسعين غاوي
تحدر جمعهم في نجد كله=وحول كنه السيل النحاوي
ولاجتهم عقب ماهم نووها=بحب خشوم ومزارق لحاوي
ماجتهم غير بخشوم السواري=بعد جا للرمي صوت وتعاوي
لكن اليوم بشر كل خايف=مضى وقت المعارك والغزاوي
يعيش بخير وامان ومعزه=بظل اللي حموه من البلاوي
هل العوجا موحدت الجزيره=ولاهم كنه السيل النحاوي

وسلامتكم

أخوكم/ سمير بن شلواح العصيمي

ليا مني وفيت بمـدح ربعـي
فأنا عن باقي أشعاري غناوي




صح لسااااااااااااانك ملايييييين ،،



تشرقت بسماعها منك شخصيآ في الحفل ،،


رائعة وإلقاءك كان أروع ،،


لك تحيتي ،، دمت بود

صح أللسااااانك وأبيض وجه يابن شلواح


كفيت ووفيت



تحياااتي