أصبحـت عتيبـي لـو مانـي عتيبـي= فزعة مـع الهيـلا ولباسـة الجـوخ
مـن شانكـم يامكرميـن الصحيـبـي=ثورة غضب قامت علي شـان مطنـوخ
حلفـت صـادق خاطـري مايطيـبـي=حتي نشوف مضيـع الحـق مصلـوخ
الله يلـومـك يالخـيـال العجـيـبـي=تكتب علي صدر الورق حرف مشروخ !!
مافيـك طــب ولايفـيـدك طبيـبـي=دامك عجزت تقارن التيـن بالخـوخ !!
جيـت متضامـن وأستفـز الطليـبـي=لقبيلةٍ فـي ناظـري كلهـا شيـوخ !!

ازكى التحيه لابـن هـاك العريبـي=اللي تضامن من حزازات ومشـوخ
تلفيـه فـي داره وقبـل المغيبـي=برد الو فاء من سرعها شبه صاروخ
تحمل وفاء قومـاً تهـد الحريبـي=شكراً من الهيلا كبر خبت صلبـوخ
للي شجـب ظلمـاً علينـا غريبـي=تزعمه خمسه مـن العالـم ادلـوخ
مايفقهـون الشعـر شيـاً معيبـي=من ظلمهم ياصاحي العقل مكمـوخ
ايجـاوب اسبـاع الخـلا بالقنيبـي=الظلم ساده واصبح الحـق مملـوخ
ويوسف ولدنـا بالمواقـف نجيبـي=حراً ولد حراً بـداء راس شمـروخ
ماينثنـي حيلـه بـزود النحيـبـي=ومدافع الاخصام في عينه اشـروخ
وحنـا معـه لازاد حـر اللهيـبـي=فزاعتن وان جاء على دربه افخـوخ
نارد حياض الموت شيب وشبيبـي=رجالنا ومن السطر شبـه ملمـوخ
الموت فـي عينـه فـلاة وشعيبـي=ثوب الشجاعه لبس والذل مفصـوخ
والشعـر نلنـا وافـره والنصيبـي=بكل الجزيره طـوع القابـه اتنـوخ
يرضخ لنا غصباَ بماقـف صعيبـي=ويصبح لنا طايع وبالغصب مرضوخ
وهاذي رساله شاطحه مـن عتيبـي=شكراً من الهيلا كبر خبت صلبـوخ