الهيـــــــــــــلا *** منتدى قبيلة عتيبة - محاورة عتباان والمعنى ( لجنة التحكيم والغش )

محمد العضياني :

سلام الله سلام ٍ صاغه الشاعر على العتبان=على العابر عريب الساس والفزعة عتيبيه
يقولون العرب شرق الجزيرة صابها جنجان=كلاب تنهش ضلوع البعير وروسها حيه

محمد بن منصور الروقي :

الا يامرحبا ترحيبتن نخلف بها الميزان=نيابه عن رفيقي قلتها والنيه النيه
انا احسب الدعاوي مثل قطف الزرع بالبستان=واثرها مثل ماقالو نسور تاكل البيه

محمد العضياني :

الا يامرحبا باللي حضر للملعبه بطران=يجي شاعر بدل شاعر عتابه نارهم حيه
انا في داخلي شي ٍ يولع بالحشا نيران=اجل وشلون يامحمد تجي عشرين بالميه!!

محمد بن منصور الروقي :

يدوم الك البقا والخيل يابو سعود بالميدان=بدون شكوك يامحمد على هاذي وهاذيه
والا يازين طعم الما بعد مايشرب الضميان=دوا لكبود ..وكبودٍ يحط بوسطها كيه

محمد العضياني :

مادام السالفه صارت تحدي والمخبا بان=وكلن يقسم المزود على اهل البيت ووخيه
نبا نشعل فتيلتها على روس العدا يافلان=ندور بها على الخمسه ونلعب طاق طاقيه

محمد بن منصور الروقي :

يبا ربك يرد الكيد والعدوان للعدوان=ويبقا الظلم بوجيه العدا بلوه وماريه
ترا لن كان وضعه زان ولا ياولد مازان=لزوم نقاطع اهل المنتجات الدينمركيه

محمد العضياني :

كديش ٍ جابها ربي صدق من حطها ثيران=مهجنة ٍ من الاردن وفيهم نسل هنديه
وفيهم واحدن طبعه تشك انه من النسوان=يهايط للعرب دايم على الروحات والجيه

محمد بن منصور الروقي :

والا ياشجرةٍ فيها من الاغصان خمس اغصان=ثمرها غردقه واغصانها جرد وملويه
صلب مدري عرب مدري عجم ولا بلا عنوان=وجيه سود من حر الزمن قشرٍ ومكويه