عزمت أولف لي من الشعر قيفـان =من جوهر الشعـر إنتقينـا وجبنـا
وليا قصدنا نقول صـحٍ وبرهـان= وليا رمينا روس الأهـداف صبنـا
قول بن مزعل شب بالقلب نيـران =وعزالله إنـه فـي كلامـه شذبنـا
عضو الفشل علمه لكل المـلا بـان =وحنَـا سمعنـا غلطتـه وإغتربنـا
خبـلٍ يثـور بندقـه دون نيشـان =اللـي مـدح بـوشٍ وحنَـا لسبنـا
طلال مدحك بوش ظيعه ونقصـان =ياليت منته مـن فصايـل عربنـا
ماتمدح آل سعود ذربيـن الأيمـان =اللي لهـم فـي قمـة المجـد مبنـا
نسيت وقفات الفهد ياابـن عثمـان =يـوم إعتزينـا دونكـم وإنتدبـنـا
وأنته بأشيقر ياأبن عثمـان سكَـان =تبكـي وحنَـا للصعـاب إنتصبنـا
يامـا وقفنـا وقفـةٍ شانهـا شـان =وياما على راس المعـادي ضربنـا
وياما خسرنـا بالمياديـن شجعـان =وياما خسرنا المـال وأنتـم سببنـا
جيتو لنا بقلوبكـم خـف وإجنـان =نسمع صدى صرخة نداكم وأجبنـا
قمنا بعزم وجزم وإخلاص وإيمـان =وبعروة الديـن الحنيـف إقتضبنـا
يوم إختلط نـار وقذايـف ودخـان =خضنا الحروب الطاحنه مآإرتهبنـا
خضنا المعارك يوم زوغات الأذهان= ونزبَـن اللـي هـاربٍ ماهربنـا
يوم الفهد درعٍ حصيـنٍ للأوطـان =وجاب التحالف كلهـا فـي طلبنـا
عنكم رفعنا ظلـم ظالـم وطغيـان =وقمنا بوجـه الطاغيـه مآأنسحبنـا
وجازيتو المعروف صدَه ونكـران =ماكنَنـا معكـم وفيـنـا وطبـنـا
من ينكر المعروف والفضل حيوان =برتـوْ وللـي بـايـرٍ ماحسبـنـا
لولا أخو نوره مانفعوك المريكـان =جاك العـراق وزوَد الغبـن غبنـا
هذا الفهد رجـل المواقـف بليهـان =اللـي يشيـل حمولنـا لـو تعبنـا
الزعيم اللي قطع راس أبن عجـلان =وعـز البـلاد وذل منهـو حربنـا
ويعيش عبدالله لنـا طيـر حـوران =من هيبته جـض العـدو ماقربنـا
لاهـان عبـدالله ولاهـان سلطـان =زحول الرجال اللي تفـرج إكربنـا
حنـا سعودييـن بالفعـل شجعـان =نصفي مع الصافي وسـمٍ غضبنـا
وحنا سعوديين لـو كـان ماكـان =بالمعركه نكسـب ولاأحـدٍ كسبنـا
وحنا الرجال أهل الوفاء سر وإعلان =وحنا الرجال اللـي عريـبٍ نسبنـا
وليا تلاقى الجمع فـي كـل ميـدان =نشب نار وروس الأعـداء حطبنـا