|
سالفة الشيخ مناحي الهيضل مع الملك عبدالعزيز
اليوم بذكر لكم سالفة الشيخ / مناحي الهيضل امير الدعاجين مع الملك عبد العزيز ومن عنده تعليق على السالفة فليذكره لان الرواه قد ينقصون او يزيدون بعد استتباب الحكم في المملكة العربية السعودية وفرض السيطرة على جميع أراضيها كان امراء القبائل وشيوخها يجتمعون في مجلس الملك عبد العزيز وفي أحد المرات طلب الملك من الحضور ذكر المواقف التي مرت عليهم من ملاقا ومغزا مع بعضهم البعض وكان مناحي الهيضل جالسن وزان الملك فقال واحد من مطير يا طويل العمر والله ما شافت عيني مثل العود الي عانه جالس وزانك من الشجاعة قال الملك عطنا السالفة قال غرت انا ومعي عشرة ريجيل على اباعرن لعرب وسقناه وفض صبيها يعلم عمه ولا درينا الا بالرجال الي على فرسه ورانا اثره الشيخ مناحي الهيضل والحق يقال يا طويل العمر والله حط فينا كون ذاك النهار وافتك اباعره وحنا فضينا قال الملك عبد العزيز ابك عشرة ريجيل وازريتوا في رجالن واحد خمسة يكتفون رجليه وخمسة يكتفون يديه ,,,,,,,,,,,, التفت يمه مناحي وقال انا ابو فلان والله يالحضري لونك معهم لتعطي معطاهم كب هرج السعه يقولها من السم الي في راسه ونسى انه في مجلس الملك ضحك الملك عبد العزيز من كلام مناحي . وهذا ان دل يدل على حلم عبد العزيز وشجاعة الهيضل مع ارق التحايا لعتابة خوالي |
الله يبض وجهك ياصادق القول
ومناحي الهيضل معروف براع البرصى ومعروف بالشجاعه والحنكه والسداده الراى0 الغريب511 |
اقتباس:
وجهك أبيض يالبسيسي تحياتي لك |
لاهنت على الموضوع والهيضل معروف بشجاعته وكرمه الله يرحمه ويرحم شيوخنا الاولين كلهم
|
حياك الله يابن الدلوح
|
بيض الله وجهك على السالفة,,,,,,,
أخوك / الروقي.com |
:
: : : انعم واكرم بمناحي الهيضل ،، من وين يجيه الذل وهو من خيرة شيوخ عتيبة. والملك عبد العزيز تصرفه ليس حلم ، انما حكمه.. يقول واحد كان احد فرسان عتيبة ( علمني باسمه ونسيته ) رايحٍ للامام عبد العزيز وكان لحظتها يوزع الدراهم والكسوة على شيوخ القبايل وما عطى العتيبي شي ويوم انفض المجلس التفت العتيبي وهو يهم بالنهوض على عبد العزيز وقال له خسارة مسياري عليك من مجلس . وكان محمد بن عبد العزيز توه شاب ويسمع مايقوله العتيبي فهم بقتله ومسكه ابوه ، وقال له اليا بغيته ماهوب في مجلسنا يجي الوقت المناسب.. وخلاه يروح وبعد سنين جت معركة السبلة وشافه الملك عبد العزيز قال لولده محمد ( تذكر الرجال اللي بغيت تذبحه في مجلسي ؟ قال اذكره يابوي قال عانه مع الفرسان ورني شطارتك.. وفعلا كان هذا الوقت المناسب لتصفية الحسابات بعيدا عن الغدر .. : : : : |
الله يرحم الشيخ مناحي الهيضل
والقصة صحيحة ذكرها البليهد في كتابه والمطران كانو سبعين فارس بقيادة الشيخ مشاري بن بصيص على ماعتقد وهزمهم الشيخ مناحي وحده |
الله يبض وجهك ياصادق القول
|
| الساعة الآن »02:05 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd