يا يوسف إرفع هامتك والنظر فوق = دامك عتيبي فأنت مرفوع هامه
واللجنة اللي ظلمهم شئ موثوق = العار معهم لانهار القيامه
باعوا إذممهم بأبخس السعر في السوق = سوق الخنا ماهوب سوق الكرامه
وين العداله ياهل الغدر والبوق = وين الأمانة والوفا والشهامه
خمسة ولافيكم ولا شخص حاذوق = قدر يخالف ماورا الإبتسامه
الحقد له بقلوبكم رعد وبروق = حقد(ن ) دفين وراسم(ن) له علامه
يوسف ظلمتوه وسلبتوله حقوق = ظلم(ن) من أسبابه غشتكم ملامه
علي . . حمد . . غسان ماعندكم ذوق = ياتركي وسلطان فيكم رخامه
ياشينكم في حزة العسر والضوق = ويازينكم لو تلبسون اللثامه
لو إنكم عدلين مافيكم طقوق = ماكان جنبتوا طريق السلامه
وأخذو جزاة المظلمة سم مسحوق = من شعر قوم(ن) يحذفون العمامه
تكفون يابرقا وتكفون ياروق = ياالعزوة اللي تحتمون الجهامه
الخمسة إهجوهم هجآ غير مسبوق= كل(ن) على ماقيل يكرب حزامه
شنوا عليهم حرب مع كل طاروق = وأنتهجوا أسلوب القسا والصرامه
نبا نؤدبهم ونصبح لهم عوق = ومليونهم نرميه وسط القمامه
ولو إنها في وقت شانق ومشنوق = والله لناقف خلف يوسف وأمامه
ووالله لنأخذ حقه بكل فاروق = من طبعنا مانقبل الإنهزامه
كم رأس شيخ(ن) من على الكتف محلوق = من كثر مافي روسنا من قرامه
حنا عتيبة مجدنا غير ملحوق = من غابر الأزمان ولنا الزعامه
حتى إسمنا من طيب الأفعال مفروق = والشعر حنا اللي مسكنا زمامه
ومادامنا برقا ومادامنا روق = فالعز معنا لا نهار القيامه

أخوك


( الشاعر )

راجـح بن نايـف العطــاوي

مرحبا يا أبو مرحبا



الجزل للجزلين


وحياك