يا سلام الله سلامٍ يعم الحاضرين=من هجوس الشاعر اللي يلاطم جمّها
يابن ثعلي سالفتنا لها حول اسنتين= مدري انته يمها ولا ما انت بيمّها

مرحبا باالشاعرالي على تقوى ودين= من هجوس(ن) ماحداهاالزمان وهمها
سالفتناروحت ولعن ابليس اللعين=والعلوم المقفيه لاتزيد اتخمها

سالفتنا باقيه لو يطولنّ السنين=والعلوم الكايده مالها الا عمّها
الوعد ما عاد يلزم معك والله يعين=مار اظنك ماش قلب العلوم يضمّها

غيرالموضوع ياجعل فالك مايزين=العلوم الي نبا ها وراك تزمها
اكتم السراكتمه ما نبا الخافي يبين=لاتفرقها وبعدين يصعب لمها

لا تروح يسار والدرب يا الثعلي يمين=والعلوم اللي تباها تعال وسمّها
النشاما فاللوازم تخلص كل دين=وانت صرت اثقل من اللي ثقيلٍ دمّها

مانروح يسارنمشي دروب الغانمين= والعلوم اللي تعل الضمايرغمها
انت ماتفهم كلامي وقلبك مايلين=صرت مثل اللي لاشاف المراغه شمها

الرجال الغانمه وين وانت تعيش وين=ابلع النعمه عسا الله علاك يتمها
لا تحرث العلم وتصير مثل ام القرين=ما حسبت حساب لام الكباير وامّها

انت تعرفني وانا اعرفك يابو نيتين=صرت مثل الحيه اللي ذبحها سمها
ردها معروف لاكن حنا مستحين=لاتذم الناس ماهوب طيب ذمها