الهيـــــــــــــلا *** منتدى قبيلة عتيبة - { لقيت بالعتبان خمسة عذاريب }

- قصة وقصيدة (http://www.otaibah.net/m/forumdisplay.php?f=6)

- - { لقيت بالعتبان خمسة عذاريب } (http://www.otaibah.net/m/showthread.php?t=34537)

{ لقيت بالعتبان خمسة عذاريب }

بسم الله الرحمن الرحيم

قصه وقصيده ..

ومناسبتها هي :

كـــان الـجـنـدي ثــامـر بـــن فــلاح بن شامان الـشـمري

فــي دوره عـسـكريه

مـسـؤولـهـا الــمـقـدم تـريـحـيب الـعـتـيبي .

وقد تعرض الجندي ثامر لإطــلاق نــار غـيـر مـقـصود ومـكـث عــدة ايــام فــي الـمـستشفى.

وعــاد بـعـد ان تـمـت دوره زمـلائـه وتـمـكن مــن الـتـخرج مـعـهم فأرسل والده

فـــلاح بـــن شـامـان الـشـمري هــذه الـقـصيده:

سـلام منـي للمقـدم تريحـيـب
اعداد ما خط القلـم بيـد كتٌـاب

وعداد ما غنوا هل الفطر الشيـب
بأرضٍ خليه ما بها غير الاعشاب

وأعداد ما ذعذع نسيـم الهباهيـب
وأعداد ما سجيت رجلي للاقـراب

ما هي غريبه منك يا كاسب الطيب
حلياك من نجـمٍ تبيـن ولاغـاب

شريف ما يدخل على ساسك العيب
من يفعل الحسنا بالاجواد ما خاب

لقيت بالعتبـان خمسـة عذاريـب
الطيب والنخوه وتقديـر الاجنـاب

دون الخوي يا طون حر اللواهيب
وان حدت الدنيا يفكون الانشـاب

فـــرد عـلـيـه: تـريـحـيب بـــن سـويـلم الـعـتيبي قـائـلاً:

حي الكتاب اللي من الشمٌري جيب
اقولهـا بالصـدق مانـي بكـذاب

يا مرحبا عد النجـوم المراقيـب
ترحيب مشتاقٍ ليا شاف الاحبـاب

بكتاب ابن شامان رجل المواجيب
فيه الجواهر بين صايغ وحسـاب

بنيت له بأقصى ضميري دواليـب
هذا الرصيد اللي كنزته وراء الباب

من شأن ثامر يرخصن المطاليـب
خوينا الطيب له الحـق غصـاب

خوينا ننصاب مثلـه ليـا صيـب
نمرض معه ونطيب مثله ليا طاب

يا عل ما يفتق على مثله الجيـب
والله يجيره من صواديف الاسباب

مشكور يالموج العابر علي القصة والقصيدة الرائعة
يعطيك العافية
تحياتي لك

لقيت بالعتبـان خمسـة عذاريـب
الطيب والنخوه وتقديـر الاجنـاب

صح لسانه ولسان العتيبي
ويسلمو يمناك على النقل

مشكور اخوي وماهي غريبه على لابتي وتاج راسي

لقيت بالعتبـان خمسـة عذاريـب
الطيب والنخوه وتقديـر الاجنـاب

دون الخوي يا طون حر اللواهيب
وان حدت الدنيا يفكون الانشـاب

يازين هالعذاريب , وعزالله اني احبكم ياعتيبه, تسلم على هالمشاركه............

تسلمون على مروركم الطيب

وهذه عتيبه وحنااااااا اعيالها تربينا على حلو عذاريبها

اخوكم
الموج العابر

تسلم يمناك ياكاسب الطيب

لقيت بالعتبـان خمسـة عذاريـب
الطيب والنخوه وتقديـر الاجنـاب

صح لسانه ولسان العتيبي
وتسلم يمناك على النقل

تحياتي لك

لقيت بالعتبـان خمسـة عذاريـب
الطيب والنخوه وتقديـر الاجناب

عز الله انك كفو وتستاهلووووون المديح