يا مرحبا باللي يحضّر يوم وايامٍ يغيب = مدري وش اظروف الغياب اللي جهلنا اسبابها
الطب فالدله واخذ فنجال من طب الطبيب = فنجال بريه يداوي النفس مما صابها

دام البقا بالشاعراللي لاعدو ولاصحيب =منت بوكيل تحاسب العالم لاطال غيابها
العب يابن جوبان خل الجرح جعله مايطيب = بعض السوالف تحرج الرجال لاغنابها

اشره على الطيب ليا مني نشدته ما يجيب = بقعا يحب رويسها وتهز اله بأذنابها
نارين .. نارٍ للضيوف ونار في كبد الحريب = فتش ملف اللي مضى والنار من شبّابها

لاصرت متعافي ولالك من ورى العالم طليب = احسن من امثال كثيرالناس مايرضابها
النارمشبوبه قبل نشوف وجهك يالحبيب= واظن مابه غيرك الليله يبايرمابها

ما تفهم الامثال والامثال للعقل اللبيب = دينٍ مضى ما قد قضى واثرك نسيت حسابها
نارك رمادتها على خشمك بلا شكٍ وريب = يا حليل ابو راشد يدوّرها وفوقه جابها

ياراعي الامثال من الامثال راسك لايشيب = بعض الامور اللي مامنها خيرسكربابها
ماهويدور للمشاكل غيرمقطوع النصيب = والعاقل اللي مايهرج هروج مايحكابها

المشاركة الأصلية كتبت بواسطة حمد بن جوباح (المشاركة 304779) . .. استلم استلم اشره على الطيب ليا مني نشدته ما يجيب = بقعا يحب رويسها وتهز اله بأذنابها نارين .. نارٍ للضيوف ونار في كبد الحريب = فتش ملف اللي مضى والنار من شبّابها ابن جوباح ماهب ابن جوبان فتح عيونك زييييييين :) :)