0=
0=
دام عذرك مايجمل بعد غيبتك الطويله=لاتعذر مال عذرك في حساب القلب خانه
لو أعذرك صاح قلبي وإنتخابي وأنتخي له=قال عذره مايداوي جرح وسط الجوف عانه
يانهايه عشقي اللي كان قلي وش تجي له؟=هل ضناك الشوق ؟ وألا قلت أجربها ميانه
ياما جربنا التقرب منك لكن وش حصيله ؟=صرت مثل اللي يحصل دين دائن من مدانه
من غيابك صرت أعاني وحدتي وسط القبيله=وإختلف رسم المكان وضيع العاشق زمانه
كلما لاحت بروق الوسم في وسط المخيله=لمع برق الوسم يشبه نور خدك بإلمعانه
وإنهزاع الغصن مع ريح ن تشيل اللي تشيله=ذكرتني فيك ياعودن تثنى من ليانه
ياعيون الحر الاشقر والشعر ذيل الكحيله=ياروايع عودن أزرق فاح مع مسحة دهانه
أذكرك شهدن مصفى في قوارير ن جميله=وأنت يالورد المفتح صرت للشهد ( إستكانه )
لكن الذكرى خيال وصادق الواقع يزيله=شف سنا طيفك هناك وسالف الذكرى وزانه
ياحكاية عشق دارت في روايات ألف ليله=من يصون العقد يلقى من يقدر له مصانه
ياعدال القد لازم للتجافي فيك ميله=فيك عدل وفيك ظلم وفيك غنج وبك لعانه
كنك من أصل الخيال ولا لقينا له مثيله=وأنت ياغاوي غيابك يفقد العقل إتزانه
جر قلبي جرة الموروث وأضلاعي نحيله=ماهي الحان المدينه دان دان وليل دانه
لحن موروثن جذبني يوم عديت النثيله=شبه طعون المهند في نهايات الخيانه
بعتبر جيتك وقفه في مشاريف الفضيله=وإعتبرني شخص عاقل فيه ثقل وبه تكانه
شاعرن يقدح شعوره نار في راس الفتيله=لو يحاول ستر حرفه مايطاوع له لسانه
مع جزيل الشعر ردي ما نحب الا الجزيله=عقد شعري لا نظمته صرت يالحني ضمانه
وأختم القول بوداع وبعض كلماتن قليله=ما أعذرك لو يشد سهيل ويغير مكانه