آه من قلبٍ من اللوعه يذوب=من زمانٍ كل يومٍ يكترب
اوجس بقلبي لواهيب وشبوب=شبوب نارٍ بين ألبان وصرب
يكفي ياقلبي تنهّات ولغوب=ليمتى وانته مهاجر مغترب
ليمتى تلعبك انسام الهبوب=في سباسيب البوادي تسطرب
ليمتى ياقلب كاسيك الشحوب=إصدع الأيام والحظ يقترب
واذكر الله فالصباح وفالغروب=إتّكل بالله وبالك تضطرب
ماقلاك الله يالقلب العطوب=لاولا ودّعك يوم كلٍ هرب
واسفه الشيطان والخل اللعوب=لوكلامه ذوق ومنطوقه ذرب
راعي الغدرات ماظنّه يتوب=والمثل قال الحنش ماينقرب
وإنصت لمروي القواضب فالكروب=إنحناله (( عمرو بن مَعدي كَرب ))
من هوازن شاعرٌ خاض العبوب=جيلبوت ايجوب وينول الأرب
كاسرٌ صلاّل بأوقات الحروب=بالفخر والعز صمصامه شرب
كالهزبر بساحة الهوجاء يجوب=يوم ولد اللاش بالرفّه يرب
يستهيض اللي تواحني طروب=منسجم يومي براسه منطرب
إيه ياقلب العنى بسّك هروب=لوهمومك فوج واحزانك سرب
لوغشاك الليل ياسهيل الجنوب=بينجلي ويزول كل عبلْ وزرب
إتّكل بالله علاّم الغيوب=والوضع بيزين لوشان وخرب
وإدحر اللمّاز همّاز العيوب= (( كلاّ لاتطعه واسجد واقترب ))

نايف العتيبي


وجدت ان الابداع حط ركابه هنا واعتقد انه لن يستطيع الرحيل


دمت ساحراً للشعر والإبداع معاً


تقديري الصادق لك


أخوك


فيصل النفيعي