الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   الشعر الشعبي (http://www.otaibah.net/m/forumdisplay.php?f=9)
-   -   مرثيه في الشغار (http://www.otaibah.net/m/showthread.php?t=33748)

النابغه 16-Feb-2007 12:41 AM

مرثيه في الشغار
 
هذه مرثيه في الامير / ناصر بن متعب الشغار رحمه الله


صحح يادنيا الفنا ماتدومين = الدايم اللي فوق الافلاك دايم
من هيبته يخشون كل الثقلين= وبرحمته تمطر صدوق الغمايم
اللي يعيش شهور ودهور وسنين =لابد ماتوضع عليه العلايم
قبل امس ودعنا سعوط المجانين =شيخا يفك مرودمات السنايم
شيخا يعرفونه جميع الملايين = يفرق معمه عن جميع العمايم
ماهيب شيخة مخلفين القوانين =اللي معيشتهم بكذب وظلايم
ناصر ليا منه غدا العم علمين= دباسها لالزمت باللزايم
قضى حياته كلها زين في زين = تابع نبيه بين ساجد وقايم
صيته ظهر بالمجله عند الاقصين= مايجهل الشغار غار الخمايم
يشفيك لامنه هرج بالدواوين= حضه على كسب النواميس قايم
حرا ليا منه كفخ بالجناحين = صيده من الجزلات ماهي هلايم
معطي ميات الوف مايعطي الفين = دايم وبيته مدهلا للعزايم
ياما اعتقت يمناه ناسا مساجين= ماكنهم سووا ذنوب وجرايم
مشوا على البيدا سوات المعافين = وعاشوا على صلاح بال وسلايم
ياوين نلقا مثل ابو متعب منين = تبى تطوف سنين والعود نايم
تبكي علاه اقابه والدماسين = وتبكي علاه عتيبه ام الكرايم
وتبكي على فرقاه الاقصى والادنين= ويبكيه من راحت حباله صرايم
وتبكيه نجد ام الزهر والبساتين = وشقح البكار الغاليات العدايم
ويبكيه من صكوا علاه المعادين = يبون راسه وحكموه الحكايم
ويبكيه من هو معسرا في وفا الدين = وتبكيه حتى لابسات اللثايم
ويبكيه من بيض الصيانا ثلاثين= وصفر الدلال الوالمات الختايم
ويبكيه راع الشعر ومطوع الدين = ويبكي محله مع شداد القدايم
ويبكي علاه العود والمشلح الزين = وعصاه والعمه وبيض الهدايم
والنعم مايكفيه والله ونعمين = في مدح راع الطيب ماني بشايم
لو ينفدي فالموت يفداه خمسين = ونقول خذ ماشيت صدق وعزايم
مرحوم ياعون الجبر والمساكين= عساه فالجنه مع اهل النعايم

الشاعر طلق بن محمد الحويقل

مشاري الحبردي 16-Feb-2007 01:34 AM

الله يرحمه رحمة واسعة ومشكور اخوي على القصيده

النابغه 05-Mar-2007 02:09 PM

شكرا اخوي مشاري


الساعة الآن »03:24 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd