يالله ياللي معدل كل مايل=يامن علينا الرزق والستر ادامه
يامجري الما من كثير المخايل=وحد السما من غير عمدان اقامه
وصل كتابي يامود الرسايل=وكل شاعر مسؤؤل عن كلامه
اكتب وقولي من بديع المثايل=ومنوخ حروفي بين خط وعلامه
هرجتن دارت بين قايل وقايل=وعلومن افرحوبها اهل الرخامه
عقب صدرو فيها بكل الوسايل=قدر كل رايم انه يبلغ مرامه
في عتمة الليل وفي عز القوايل=وحلال العلم اختلط مع حرامه
البلى انهم كانو من طيب الزمايل=واليوم كل رامي يصوب سهامه
مير ماهمني ههراج كل عايل=واهل الحواسد ماعاليهم ملامه
دام انا من ذباحة الحايل=اهل الوفا والطيبه والزعامه
اهل الكرم والفعول الجمايل=اهل المعزه والمروه والشهامه
راعين الاوله والشك زايل=اهل الحسب والنسب رفيعين المقامه
نهار الزحام مولعين الفتايل=مع قب الخيول ونصل الحسامه
منزهين القول ومنزهين الفعايل=انصفهم التاريخ وقلدهم وسامه
ربعي الهيلا سلال الحمايل=مفرقين الجموع نهار الزحامه
ثابت ولاهمني دايرات المحايل=شامخ شموخ الجبل وروس العدامه
على الهون ياللي علي شايل=على الهون خلك في ريع الندامه
ماهمني منكم شهود ولا دلايل=يكفيني زمانن خصني باحتكامه
بيرجع المقفي ولو دار الرحايل=وانا ماتنشد عن من خف هامه
ثم اوطى عليه والراس طايل=الخاين اللي معي ماوفى ذمامه
واعلمه وشلون سلوم القبايل=واعلمه بالشمس ماتخفيها الغمامه
تتعبون لانتظرتو بعدي زلايل=من شبه الحر النداوي بالحمامه
ماجايكم غير الفشل والرذايل=وضو القمر يجلي الليل وعتامه
ان جيت سويت فيكم الهوايل=وانتم كما طفلن وقت الفطامه
اقطع الله يمينن تمد الهزايل=وعيون خداعه تغشاها الحلامـه
هذا جوابي للي اخذو البدايل=روحو من الله ماترجون السلامـه
وختاما صلاتي على من للمدح نايل=النبي شفيع الخلق يوم القيامه