الشاعر اللي صار واضح ومكشوف=في كل موقع شعر ينشـر قصيـده
الشعر نفس الشعر معروف معروف=من موقـع لموقـع يـروح ويعيـده
من سبته متـذوق الشعـر مقـروف=عاف الشعر من عقـب ماهويريـده
ياناس ياجمهور ياللي لكـم شـوف=ويش العمل باهـل القلـوب البليـده
وش ذنبنا لاخرب الوضـع ملقـوف=الشعـر لـه رواده اللـي تـريـده
اللـي مايلحقهـم مذمـه ولاخـوف=دايم علـى السنـه ونهـج العقيـده
من عادها بمزارق ارماح وسيـوف=وشلون ابحصـي والفعايـل عديـده
واليوم اشوف الناس رادف ومردوف=من حط له كم بيـت قالـوا نشيـده
الله يبارك في هل بـروق وقطـوف=واهل الاذاعـه ضمنهـم والجريـده
الشعر صار اربع نقط واربع حروف=كلا على الصـوره يسجـل بريـده
القاف قاف فلان واللحـن معـزوف=يبـي يمشيـهـا عليـنـا جـديـده
يشجعه صالح ويزهمـه ابوعـوف=حتـى بلانـا جعـل داره بعـيـده
ولا الشعر حتى ولو صارت ظروف=مالـه سـوا رواده اللـي تـريـده

المشاركة الأصلية كتبت بواسطة مرزوق العتيبي (المشاركة 295074) ياناس ياجمهور ياللي لكـم شـوف ويش العمل باهـل القلـوب البليـده وش ذنبنا لاخرب الوضـع ملقـوف الشعـر لـه رواده اللـي تـريـده هنا الجزاله يابو شهاب وانت من الناس اللي ينومس شعرهم صح لسانك والحمدلله على السلامه .....