ليت الشمالي.. يعرف ان الموت.. سنه ومحتوم= حتى يحدد له.. مكانٍ تحت الارض.. وفوقها
يامحمد اقرب.. والعوافي والسلامه.. ماتدوم= والخط واضح.. والمعاني لاتزل.. طروقها

المشاركة الأصلية كتبت بواسطة مطر العازمي (المشاركة 294600) ليت الشمالي.. يعرف ان الموت.. سنه ومحتوم= حتى يحدد له.. مكانٍ تحت الارض.. وفوقها يامحمد اقرب.. والعوافي والسلامه.. ماتدوم= والخط واضح.. والمعاني لاتزل.. طروقها

جيتك وانا لا جيت طبعي يامطر فرك الخشوم=بعض الدعاوي ما انت عاشقها ولا معشوقها
دربك خضر يالعازمي هات العلوم وخذ علوم=وان ماهداك الله معي صبره لزوم اتذوقها

ان طعت شوري يالشمالي تستريح ولا تقوم= لا تلحق ام قرين والسكين في صندوقها
دربي سنود ولا وصلتك غير ابقضي لي لزوم= والغاليه عندك ثمنها وانت تعرف سوقها

خل المشوره يامطر ماتجتمع قومٍ وقوم=لابد يومٍ تنشب ايدين العدا فى حلوقها
خلك مع الشجعان واحذر لاتعود للرخوم=والله ماتذريك العباه اللي وساع افتوقها