الله أكبر فاح ورد العاطفه فالمزهريه=وشتعل من حولها شمع المحبه والحقايق
أعتنق فنجالها دمعة عيون الشاذليه=ونفتح باب الهوى والجو للعشاق رايق
كل مافيني تغير بعد شوف الراعبيه=قام فيني يضرب الهوجاس لايق غير لايق
اربع فصول السنه في وقفتي مرة عليه=كلها مرة وأنا يشتب في جوفي حرايق
كن فيها للسفن مرسى مواني ساحليه=وكن في عينه سهوم الموت وام اربع علايق
يجزع الشان الرفيع ليا أنخضع للجاذبيه=يكسر الحاجز عزيز النفس لو قدمه عوايق
لو لحق عصره زمانٍ فات عصر الجاهليه=يكتب ابن القيس ويجيله على الساحه وثايق
ياعيون اللي تعلت في سماها فارسيه=منوة الصقار لاطارٍ مع الأرض الرقايق
تلحق الخرب السبوق بفعلها ماهي رديه=من نوادر عشها والزين فيها زين فايق
هقوة الصقار لا حان العشا فيها قويه=ان تقدم للهدد ولا ليا قالوا لحايق
النهايه قمت أسامر شعلة النار السنيه=أحسب حساب الثواني في يديه والدقايق
لين كلٍ راح والنيه على دربه مطيه=وتفقنا نقضي اوقات العمر كله صدايق