ياعالمن فيه البشر اشكال واصنافن كثير = مانجمعه مانوصفه والله وأكبر يابشر
يالله تستر والمشاكل سلكها سلك الحرير = بستنتج الفكر الصريح افكار من ضمن الفكر
ابجمع حروفي على شعري على المعنى الخطير = يامؤجز النشره يافكري هاتلي كل الخبر
منهم من اللي يدعي بالكذب والقول العسير = يضحك على نفسه يحسب الناس بعقول البقر
مايدري ان الكذب قالو بالمثل حبله قصير = هذا مثل هذا اختصاراً وافهمو بالمختصر
وشخصاً تحصله يتأمر ماتقول الا امير = ان كان ماخذها بذراعه .. يبشر نطيع الامر
والمشكله لاكان ماهو لا امير ولا وزير = ماغير من زود الميانه صدّق الكذب وفشر
والمؤمن اللي قال ربي كاتبً ليّ المصير = مالي مفر مالي مفر هذا قضاء وهذا قدر
ياذيب في دنيا العجب ماشفتلي ذيبً كسير = اتعالج جروحك ماتلقى لك علاج الا السهر
والخاتمه بعض العلوم امدمدمه في وسط بير = دام المثل قال بكلامه ماخفي اعظم وامر
وان كان ودك يبن ادم تكسب الدنيا بخير = اقم صلاتك وارض ربك واعمل اعمال الاجر

المشاركة الأصلية كتبت بواسطة السميــــــري (المشاركة 290607) .. الله اكبر الله اكبر .. يامبدع . والخاتمه بعض العلوم امدمدمه في وسط بيـر دام المثل قال بكلامـه ماخفـي اعظـم وامـر وان كان ودك يبن ادم تكسـب الدنيـا بخيـر اقم صلاتك وارض ربك واعمل اعمال الاجـر صح لساانك يارمز الابدااع .. . أجل نطاالبك بغيرهاا ولانسمحلك .. تقديري ..