يانجد يوم كل غنّى طرب فيك=لحن ظهر جوف الضمير وسرابه
ياديرة في جوف جوفي معانيك=ياديرة في جوف جوفك عتابه
يومنّها بالسيف قبل البلاجيك=إحماك في سدّ الوجيه المهابه
ياعنك مابه من تجرّى مفاليك=يوم رسو ثمّ إرتكو للحرابه
كم من قبيله نزّحت دون تشكيك=تصبح على وضح النقى في نهابه
يشهد بها ربّ الملا ثمّ أراضيك=وتشهد طيور الجو هي والذيابه
واليوم راح الجهل والعلم يغشيك=نتبع نبيّ الله ثمّ الصحابه
ماهمّنا فالوقت شعر الصعاليك=ولاهمّنا عشّ الغراب وغرابه
الأسد في عال الشواهق تناجيك=ماتلتفت في نبح جرو الكلابه
يانجد حنّا نخوتك مع عزاويك=يانجد حنّا لك من الضيم لابه
حنّا عتابه وإزهلي من يعاديك=وليا وقف واحد شبابي شبابه

يامنتدى الهيلا معزّه وتقدير=والشاهد الله في مجيّك نعاره
فيك الرجال الطيّبين المناعير=اللي بتصنيف العرب فالصداره
ربعي عتيبه معدمين المعايير=لاصار كلّ يلتفت في عياره