الــشــاعـــر الـكــبــيــر
بـــدر بـــن عـــواد الحـويـفـي الحربي شـاعـر متمـكـن وقــوي وصـقــار ولـه اسلوبـه الـقـوي فــي التعبـيـر
وكـل قصيـدة مـن قصائـد بـدر تــرى بهـا الجزالـه وكـل بيـت مـن بـيـوت بـــدر تــــره بــــه قــــوة
وهــذي رائـعــه مـــن روائـــع بــــــــدر الــحــويــفـــي
احبـبـت ان اشــارك بـهـا

يـامـل قـلـبٍ دق بــه كــل طــاري
طــواريٍ باقـصـى الضمـايـر تـتـلـه

***************
وشفـقٍ علـى شـوف الفضـا والبـراري
لاصـار مـعـه مشـبـبٍ مسـنـدٍ لــه

**************
خطـو ابلـجٍ لملاقـف الصـيـد ضــاري
جـدع الضريبـة بالسـهـم عــادةٍ لــه

*************

قــرم بوجـهـه للـمـروه شـــواري
رايــه سـديـد وكـــل دربٍ يـدلــه
*********
مـاهـو حضيـبـيٍ مـزاجـه تـجــاري
لـيـا عـقـدت الــراي عــوّد يفـلـه

*********
اول نـهـارك يعجـبـك مـانـت بــداري
مــار الـبـلا تـالـي نـهـارك تمـلـه

*********

ابـمـدح الطـيـب ولانـــي مـــداري
والــلاش لاخـايـف ولا حـاسـبٍ لــه

**********

الـفـرق بالـلـي ياصـلـون المـحـاري
والا الــردي شـرهـات مثـلـي تـزلـه

*********

ابــي خــويٍ ضـاريـس بالمـسـاري
مـاهـو مهـيـنٍ يـرقـد اللـيـل كـلـه

***********
ومعـنـا قطـامـيٍ يصـيـد الـحـبـاري
لحّـاق لاكـوبـر لــه الـخـرب شـلـه

**********
خطـو اشقـرٍ جثـل مـن الريـش عـاري
افـحـج مخاليـبـه ســوات الأهـلــه
************
بــه دق ريــشٍ مـثـل دق الـخـزاري-
مـهــدف ورا منـاكـبـه مسـتـقـلـه

************
منخـر وبـوز وفـيـه عــدة مــواري
يحتـار بـه راع النـظـر لافـطـن لــه

************

مـاهـو بكـفـاخ ٍ طـفـوقٍ ازعـــاري
طلعـه حقـاق ان شافهـن ساوقـن لــه


لاشـافـهـن مـتـطـاولات الـمــذاري
عقّـد وحــق الطـلـع والسـيـر تـلـه

ويّحـول اللـي طـار منـهـن اجـبـاري
ذبـاح للـي يـوم هــد اسـجـدن لــه

يازيـن طلـعـه بالضـحـى والعـصـاري
لامـن خشنـاات الغـلـب خيـشـن لــه

هــذيــك مـنـوتــي واخـتـيــاري
لـو كـل مـن يطلـب لــزوم يحصـلـه

ولـو ان حظـي مـع مـزاجـي يـبـاري
سجلـت لـه صفـحـة وفــا بالمجـلـه

مالـي هـدف بالسـوق بايـع وشــاري
قلبـي ذعـاذيـع الـهـواء ولـعـةٍ لــه

انـا غرامـي مـع فـجـوج الصـحـاري
وشـوف الـرجـوم النايـفـات المطـلـه

لاشـفـت بالريـضـان نـقـع وخـبـاري
راح الـزعـل والبـسـط حــل بمحـلـه

بـارضٍ بهـا لصـيـد عيـنـه واثــاري
فيهـا القطـا تلـقـى فـروعـه محـلـه

مهـامـل تــردم شجـرهـا الــذواري
نبـنـي لـنـا فيـهـا ونـاسـه وفـلـه

يـازيـن شـبـة نـارنــا بـالـغـداري
والكيـف ابـو صالـح جلـس وارتجـلـه

والمـاء مفـوح فـي نظـيـف الـغـواري
وصفـرٍ يجاذبهـن عـلـى جــال مـلـه

وصاحـب لهـن تقـول مـاخـذ حــذاري
وفنجالهـن يجلـى عــن الكـبـد عـلـه

واللـي علـى مثلـي مـن الـنـاس زاري
لاسامعٍـىقـولـه ولا مـصـغـيٍ لـــه

وافـخـر بحـبـي لصـقـارة وامــاري
ورزقي على اللي كون الكون كله