[عن دربها صديت وأخشى المناقيد=كلٍ يعرف السالفـه وش وراهـا
وصفه كما وصف العنب بالعناقيد=هو هاضني وأثر على النفس داها
قالت تجيك أمطار برق و تراعيد=قلت العـذر والله مآلـي بماهـا
قالت سمعت من العذارى تناشيـد=وتقول نفسك ضايقه في هواهـا
قامت تجر الصوت ويا التناهيـد=وتومي بشعر منسدل من ورآهـا
قلت العذر ماني من أهل المواعيد=مركوزة النهديـن مـاذا دهاهـا
معروف عنكم قاصيات المواريـد=وهرج العذارى ماصدق من رواها
معروف خالك وابن عمك صناديد=و ترى الرعيه تتبع الي رعاهـا
قالت تمهل شفتك العـام بالعيـد=نفسك ترى بعض التغطرس رماها
قلت العفو مجروح صعبه أنا أعيد=القلب ميت مندفـن فـي ثراهـا
غيـره فـلا والله لايمكـن أريـد=بعيش بالذكرى وبأشرب رثاهـا
مرحوم يا حبٍ وطيـت العرابيـد=الي تماشي كل شخـص بهواهـا
قالت حياتك كـل ابوهـا تعاقيـد=مكتوب في النفس الشقيه شقاها
صديت وادموعي تناثـر تعاديـد=كل يعرف السالفـه وش وراهـا

المشاركة الأصلية كتبت بواسطة سهم الروقه (المشاركة 286682) صح لسانك لاهنت وبيض الله وجهك يالذيب اخوك سهم الروقه