النوم حاربني وحاربته ولاجاني رقــاد=جتني هواجيس تطيـــــر نومتي وتحوســها
لين انشغل بالي وتفكيري سرى والهم زاد=في ليله قشراء يطير النوم من هاجوسهـــا
يســــــري خيالي واتنقل من بـــلاد لي بـــلاد =واصبحت في غبه بحرولا استطعت اقوسها
قلته وعندي في بيوت الشعر رغبه واجتهــاد=اقطف ثمربعض البيوت اللي غرست اغروسها
هاذي قصيده شاعر عاش وتعلم واستفـــاد =عاش وتعلـــم والليالي علمته دروسهــــا
لازلت في طور الشباب وعشت في الدنيا جهاد=عشت وتعلمت ولقيت اسرار في قاموسها
واكبر طموحاتي رضا ربي وتحقيق المراد=والا الطمع في الجنه الخضراء وفي فردوسها
وعليك يالله اعتمادي ماعلى الناس اعتماد=ولاعلى اصحاب الفلوس اللي تعد افلوسها
ونفسي عزيزه دائم في حر والا في براد=ولابارك الله في رجاجيل تهين انفوسها
وراعي الجميل يعيش في الدنيا مثل راعي الشداد=واهل الفعول فعولها بانت وترفع روسها
والا الردي وابن الردي كنه مقيد بالقياد=تقصر يمينه من هل الطاله ومن ناموسها
جعل المره تلبس علي الناقص ملازيم الحداد =وبقعاء عساه يصير بين انيابها وضروسها
والربع في وقت اللزوم اكثر من أسراب الجراد=والحكم ماهو في مظاهرها ولاملبوسها
ورفيقي اللي في اللقاء يقدح مثل قدح الزناد=هاذك ذخري في الليالي اللي تزيد حسوسها
ياسعد منهو له رفيق وسعد منهو له سناد =وليازهمته يعتزي للكائده ويدوسها
ياكثر هرج الناس ياقل الحقيقه والوكاد=واهل الوفاء تعرف بوقفتها وبعد رموسها
اطرب لخوه كاسبين الطيب والشور السداد= وممشاي دائم نفس منهجها ونفس هجوسها
الصبر مفتاح الفرج واقول لله المعاد=ولعابه المنكوس تستانس علي منكوسها
وان كان وصلت حدها ماللعناد الا العناد =لحيه نكرمها ولحيه مالها الاموسها
العمر تاليه الفنا والزرع تاليه الحصاد = والامطار ماياتي بعلم الخير غير عسوسها

جعل المره تلبس علي الناقص ملازيم الحداد =وبقعاء عساه يصير بين انيابها وضروسها
والربع في وقت اللزوم اكثر من أسراب الجراد=والحكم ماهو في مظاهرها ولاملبوسها
ورفيقي اللي في اللقاء يقدح مثل قدح الزناد=هاذك ذخري في الليالي اللي تزيد حسوسها

المشاركة الأصلية كتبت بواسطة مرزوق العتيبي (المشاركة 285461) .. . اللهم اصلي وسلم على نبيك ورسولك محمد ... صح لسان بن شتوي الحبابي ولاهنت ياعلي على حسن منقولك .....

المشاركة الأصلية كتبت بواسطة الحد الرهيف (المشاركة 285569) جعل المره تلبس علي الناقص ملازيم الحداد =وبقعاء عساه يصير بين انيابها وضروسها والربع في وقت اللزوم اكثر من أسراب الجراد=والحكم ماهو في مظاهرها ولاملبوسها ورفيقي اللي في اللقاء يقدح مثل قدح الزناد=هاذك ذخري في الليالي اللي تزيد حسوسها ] ارررررررحب يا علي الحبابي وصح الله لسان الشاعر حسين بن شتوي الحبابي واقول له يشرفني الرد على هذه القصيده الجميله أبداع *أبداع دائماً وأبداً متألق صح لسانك مدد ماهيب عدد قصيده وافيه وجزله ننتظر جديد هذا الشاعر تحيتي

المشاركة الأصلية كتبت بواسطة النافذ (المشاركة 286950) صح لسان بن شتوي الحبابي ولاهنت ياعلي على حسن منقولك