الشيابين يقتلون الشيخ القضيع بن قنيفذ بن لبدة
 

سلام علاكم

من العايدين والفايزين يالربع والله لكم وحشة


الزبدة الي عنده تفاصيل عن ذبحة الشيخ القضيع بن قنفيذ بن لبدة شيخ ال سعد من قحطان يعطيناها

لان الشيباني حسب مايقولون الشيبان انه ذبح القضيع عند اباعره

اخوي يمكن فيه سوء فهم

القضيع فخذ من الفهيدات على مااظن

اخوي خالد الاسم صحيح 100%

الفارس والشيخ القضيع من عيال الشيخ قنيفذ بن لبدة

ولا ادري هو اسم ولا لقب له


ومن فرسان قحطان المعتبرين

الله يهديك ياخالد وش دخل قضيع القحطاين في قضيع الفهيدات ان كان فيهم قضيع


انا انشد عن ذبحت الشيخ القضيع ابن لبدة القحطاني الي عنده علم عن القصه يعطيناها

القضيع لقب مهوب اسم واسمه محمد بن قنيفذ بن لبدة وذبحوه الشيابين عند اباعرهم

مشكور ياعكاش

بحثت عن القضيع ابن لبدة في قوقل وطلعتلي مجالس قحطان وفيه موضوع انشائي كاتبه واحد منهم المهم لقيت شي غريب ومضحك في تبرير الكاتب طريقة قتل محمد بن قنيفذ بن لبدة يوم قتله الشيباني
الي كاتب القصه يقول وهو يتكلم عن القضيع

وغزوو الشايبين وقتتلوو قتالا عنيفا اول النهار قتل من ال سعد 7 والشيابي ن 11 وفي العصير تواجهوو فنتصر ال سعد وصاروو يجمعون البل ويحدونها وكان عندها راعي شيباني وكان القضيع يركض خلفة ويقول عشاك عند امي يا ابن مشيب وكان الراعي معه صمعاء حاطها على كتفة فثورها ووقعت في قلب القضيع ومات في مكان اسمه الا ن قرب الخاصرة لبيده وفيها قصائد كثيرة لاتحضرني الخلاصة ان الملك عبدالعزيز استلحق ال فهيد وال لبده واصلحهم ووهو اخر قتيل في المعارك الي حدثت بين قحطان وعتيبة


يوم قريت كتابت القحطاني في طريقة ذبحة القضيع والله اني ضحكت لانه وده وفي اعتقاده يبرر طريقة القتل حتى ولو بشي اول مايقراه الواحد يدري ان الكاتب يكتب مايحكم عقله
معاد صارت صمعاء صارت بازوكا خلفيه
لا ويلحقه ويقول عشاك عند امي

حتى طريقة سرده الانشائي تدل على انه مركب القصه من مخه يسمع ان القضيع ذابحه شيباني ولا يدري وش القصه وسواها من راسه

الله يصلح بعض الناس يغير فالحقيقه علشان يبرر الي صار بشي مستحيل يخش العقل

شر البلية مايضحك


رحم الله القضيع , ورحم الله اموات المسلمين , اتمنى ممن يكتب عن هاؤلا الابطال الموتى , ان يكتب بعلم ومعرفه , او ان يترك الجمل بما حمل , فهاؤلا الابطال لايحتاجون مزايدات او تبريرات , فمن يموت في ساحات الوغى , دون ارضه او عرضه او ماله , اشرف ممن يموت على فراشه , كما يموت البعير , ولكن اين العقول اللبيبة



تحياتي للجميع

بيض الله وجيهكم عزالله ماقصرتوا


عنما روايت القحطاني حادرتلها وادي ولاعنده سالفة

الرواية الي عندي

يقولون جاك ابن لبدة ومعه ربعه ذابحهم الجوع

لاوالله ان هذي البل قدامهم ومعها ثلاثة خياله

وابن لبدة هو ربعه يجونها منطلقين يصيحون وهم قطعة رياجيل
وكل خيال يزهب بندقة هو يثور يمهم لكل رجال من الشيابين ذابحله راجل من القحاطين
والقحاطين ينصفقون هم يعودون مع دربهم الي جو معه

ويوم جوهم الخيالة لهم ثلاثة كلهم طرح لا واحد منهم يعرفونه من عيال ابن لبدة

هذا العلم الي جاني عن هالسالفة

الله يعطيك العافيه