قلوب الناس
 

قصيده للشاعر : مساعد سعد عواض المقاطي




الا واهني الطير مايعرف الهجران = تشيله جناحينه ورزقه على قده


ولايستمع في كلمت فلان والا فلان = يدرو لقوت اليوم وجناحه يمده


وله قصتن تقرا سبأ وهدهد سليمان = لعب دور في صدق النبا وصرحها هده


وأنا ما أتمثل من طرب وأعشق القيفان = حداني زماني وألحق الضده الضده


قساوة قلوب الناس لو هم ثنين اخوان = ليا صد واحد راح والصده الصده


تدور السنه ماجاه ويقول أنا زعلان = ولو مات بكره هل دمعه على خده


ترى الجدر مايشتد بنيه بلا سيسان = ليا صار ماله ساس لاتامن الهده


ولاتامن الدنيا ترى مالها ميزان = مثل كورة الجهال لاجتك مرتده


نصوبن لعوبن سدها شعله ودخان = ولها موج مثل البحر جزره على مده


وألا يالله اني طالبك ياعظيم الشان = تهون عبور اللي كما السيف في حده


ولك باب ماينصك لاصكت البيبان = ولك حكم نافذ ماحدن يقدر يرده


تهون عليه سكرة الموت يارحمان = ليا غرغرت وأطراف الاعصاب مشتده


وصلوا على اللي ثبت الدين بالقران = رفع راية الاسلام والسيف في يده

صح لسانك يابن العم قصيده جزله وتستحق الثناء

صح السانك يالذيب