يامرحبا من هجوس(ن) طيبه والحق سلطان=يالي تبا الكيف تلقا عندنا مر(ن) و حالي
تنشد عن الذيب مانته جاهل(ن) فالذيب سرحان=لو يغطس الموج يضمن طلعته ياهملالي

مخبور ياصاحبي بالعرف واهل العرف مليان = وقدم اللي تقدم قدمكم روس المعالي
الذيب لاقال هرجه مايعود عشره اثمان = ماطلعه كود رحمه من مشيبه فاليالي

ولا . زمان اللكاعه يافهد ياولد زهران=وأنا تراني معلمك اللكاعه ياحلالي
خل الذيابه ترانا عندنا للهرج ميزان=وافتح لنا البنك واصرف بالجناه وبالريالي

ياشايل البندقيه بندقك من دون نيشان=حتى ولو كنت نشمي ماتصيد الا الغزالي
الذيب سهران مايرقد وعينه تسبر الضان=لكن أضنك عشى للذيب لا حان الزوالي

الله يكافيك من بندق تصيب من دون عنوان = من حزتاً بردها طيب وفيها جو عالي
الذيب يهرج ويسكت مير ليه الذيب فقران = مير انت لاعاد تدافع واشرب اشرب بالدلالي

ياللي بنيت القصور العاليه من دون سيسان=ماخفت ربك وربك فوق كل الخلق عالي
دور لنا علم ثاني طالبك قل تم يافلان=بعض السوالف تراها فالمجالس ماتقالي

ربي عليمن بما الخاطر ويعلم كل شي كان = وانته تقلب وتلعب يالالاله يالالالي
ترى علومي صحيحه وفيه يارجال برهان = وحنا رجالاً نبيع ونشتري قالسوق غالي

والله ونعم(ن) بربي عالم(ن) باسرار الانسان=الواحد القادر الاول وباق الخلق تالي
ياكثر هرج البدو تكرار والبدوان بدوان=وتردد العلم لهل العلم مار العلم خالي