الليل يالعتبان صف الصف والصف استوى=والي يبا يلعب على الموال ياقف لي هوى
أما نبا نطلع سوى ولا نبا ننزل سوى=اقولها والي عقد روس الحبال أيحلها

الليله الليله المعنا يروم النجوم =يبغا رجالن ماتجرح ليلة صيامها
والي لقاله فرس ولا حصانٍ عزوم=ينطح جموع الرجال ويكسر اعلامها

جاك شاعر بالمعاني مايقول الا الحقيقه=بالنيابه عن هل المعروف جينا في دقيقه
مانبيها ياولد ترجع على الغازي حريقه=اقولها والي عقد روس الحبال ايحلها

الليله الليله اصبر جعل حضك يقوم=والي يصوم العشر يصبرعلى اقيامها
بالله ياصاحبي مشهور هات العلوم=واشب العرب ضيعت والناس قدامها

ياشاعرن وده على الطرقه يمينه في يدي=وراك ماترتاح مثلك لما مشى الدرب يغدي
دعواي صعبه كايده لسهيل ولا للجدي=اقولها والي عقد روس الحبال ايحلها

المزن وسط السماء والجو كله غيوم=قل للعرب تنتبه للسيل واخيامها
تبا تجيك السوالف والعوارف تشوم=عن سلعتن بين بايعها وسوامها

لآبسين إحرام حجٍ موقنين ابحجنا=ماشيين امكبرين امهللين لربنا
مابقى غير الجمار السبع نرمي في منا=اقولها والي عقدروس الحبال ايحلها

الله كريمٍ عسى دنياك تبقا تدوم=والله يستر على دنياك وايامها
انا اشهد ان البلا فالطير يومه يحوم=وأهل الضما ضاميه وردت على احيامها