صادفتنـي عنـد خيـاط الثيـاب=الهنـوف اللـي تبـا نفنوفـهـا
إنقردت وقلت يازاهي الخضااب=إلطف بحال المعنـى .وروفهـا
طالعتنـي ماعليهـا إلا النـقـاب =والعبايـه فـوق رووس كتوفهـا
ترهب بنظراتهـا اللـي مايهـاب =ويشرق الرجـال حيـن يشوفهـا
قالت أنته عود وأنا أبغى الشباب = ياأشيـن الشيـبـان ياملقوفـهـا
خاب ظني فيك يالمجمول خـاب =والسبايـب هرجتـك وحروفهـا
أسمعيني زين جعلـك بالعـذاب =وجعل كتفك يلتـوي غضروفهـا
ورجلك اليمنى عساها بسـم داب =كل مغـروره مابـي معروفهـا
مايشيب القلب لوالـرأس شـاب =وشيب بعض الناس لآجل ظروفها
وفي شباب اليوم ياكثر الخـراب =يشحذ إخته .كل ضحى مصروفها
وكلنا من اْدم. وأْدم مـن تـراب =وفي النهايه. نندفن في جووفهـا

المشاركة الأصلية كتبت بواسطة أبو نجر النفيعي (المشاركة 280508) مبدع ما شاء الله علاك :) صح الساانك يابن مسلم .. قصيده رائعه جداً وننتظر جديدك

المشاركة الأصلية كتبت بواسطة فيصل المسعودي (المشاركة 280522) صح لسانك يا ابن مسلم على هالرائعه في انتظار جديدك ياغالي تقبل تحياتي

المشاركة الأصلية كتبت بواسطة ماجد الهذلي (المشاركة 280525) قصيدة رائعه بيض الله وجهك وصح لسانك تحياااتي