ياهاجسي بالشعر صخرت قيفان=قيفان من غير الذهب ماتسامي
ماهيب ذا فاضي وهذاك مليان=ابيات منضومه عليها الكلامي
نهجتها بالوصف في نهج سلطان=وفالجزل والحكمه رشيد الزلامي
شاعر واغني وابدع القاف طربان=واقول يالصاحب عليك السلامي
ياصاحبي لك شف عاشق ولهان=ناوي ولابه وسط حلقك عظامي
حجزتلك رحلت شهر يم لبنان= تبغى تسج الرجل فديار شامي
مالوم عينك يوم سافرت شفقان=طيرت من عيني لذيذ المنامي
وتقول ياناصر ترى الوضع فنان=عجل توجه ياعزيز المقامي
اجواء خياليه وعربان حمران= لو قلت ابى احصيهم تضيع الاسامي
لكن انا مالي بهم شف يافلان= شفي ضواحي طـحي وأسفل سنامي
اسج رجلي بين ثعبان وذقان=ويم الركــا ومشيققات الحمامي
هذا هوى بالي على مر الازمان=وعيشت حلال ولا معيشت حرامي
وان كان تنشدني عن البيض فتان= جاني نظامك واستمع في نظامي
احبلي بنت(ن) لها السلم عنوان=على الشرف ماجات درب الملامي
حب(ن) على وضح النقا بالحشا بان=ومتبادلين الحب ود وغرامي
بنت(ن) قبيليه من شيوخ عتبان= وخوالها شجعان من نسل يامي
قوم(ن) لهم بالعرف والطيب برهان=وفعولهم بسيوفهم والحزامي
وربعي ترى عتبان حمايت الشان= لا منها ثارت عجاج وعسامي
تشهد لنا العربان في كل ميدان=كم شيخ قوم(ن) فوقه الطير حامي
وياخوي انت انسان لك قلب ولسان= وألك احترامك مثل مالي احترامي
دامك تمنى شهر في وسط لبنان= انا تمنى طــحي وأسفل سنامي

المشاركة الأصلية كتبت بواسطة عمرالروقي (المشاركة 279749) لوحة شعريه الوانها خياليه 000000000 رسمت بريشة نفس ن ابيه تكره الفسااد في الخارج وتعشق ارض السعوديه __________________ صح لسانك يافزاع على هذه الجزله ولاهنت وسجل اعجابي وتقبل اجمل سلام ( ماودنا نقول تحيه لانهم يقولون انها مكروهه ) 000000000000000000000000000000000

المشاركة الأصلية كتبت بواسطة ناصر الجنيبي (المشاركة 279792) بنت(ن) قبيليه من شيـوخ عتبـان وخوالها شجعان من نسـل يامـي الله الله عليك يافزاع صح السانك يالذيب والحب بلوى على المسلمين الاجواد لاهنت يالغلا تقبل مروري واعجابي

المشاركة الأصلية كتبت بواسطة فـزاع (المشاركة 279744) ياهاجسي بالشعر صخرت قيفان=قيفان من غير الذهب ماتسامي ماهيب ذا فاضي وهذاك مليان=ابيات منضومه عليها الكلامي نهجتها بالوصف في نهج سلطان=وفالجزل والحكمه رشيد الزلامي شاعر واغني وابدع القاف طربان=واقول يالصاحب عليك السلامي ياصاحبي لك شف عاشق ولهان=ناوي ولابه وسط حلقك عظامي حجزتلك رحلت شهر يم لبنان= تبغى تسج الرجل فديار شامي مالوم عينك يوم سافرت شفقان=طيرت من عيني لذيذ المنامي وتقول ياناصر ترى الوضع فنان=عجل توجه ياعزيز المقامي اجواء خياليه وعربان حمران= لو قلت ابى احصيهم تضيع الاسامي لكن انا مالي بهم شف يافلان= شفي ضواحي طـحي وأسفل سنامي اسج رجلي بين ثعبان وذقان=ويم الركــا ومشيققات الحمامي هذا هوى بالي على مر الازمان=وعيشت حلال ولا معيشت حرامي وان كان تنشدني عن البيض فتان= جاني نظامك واستمع في نظامي احبلي بنت(ن) لها السلم عنوان=على الشرف ماجات درب الملامي حب(ن) على وضح النقا بالحشا بان=ومتبادلين الحب ود وغرامي بنت(ن) قبيليه من شيوخ عتبان= وخوالها شجعان من نسل يامي قوم(ن) لهم بالعرف والطيب برهان=وفعولهم بسيوفهم والحزامي وربعي ترى عتبان حمايت الشان= لا منها ثارت عجاج وعسامي تشهد لنا العربان في كل ميدان=كم شيخ قوم(ن) فوقه الطير حامي وياخوي انت انسان لك قلب ولسان= وألك احترامك مثل مالي احترامي دامك تمنى شهر في وسط لبنان= انا تمنى طــحي وأسفل سنامي وسلامتكم