امتقلب وضعنا ما يستقر = والدهر داير على العالم رحاه
والقدر خافي على كل البشر = نعلم البين ونجهل ما خفااه
كم عزيزن عالشدايد مقتدر = ذاق طعم الذل من فعل الرعاه
والبنادم لو يطول ابه العمر = ابيجي يومن بيلقابه قضاه
يهجر الدنيا ويوضع فالقبر= ولا يخلي غير ذكره من وراه
اكتسبنا من مواعيض وعبر = نستفيد ابها على مر الحياه
الخوي والجار والضيف انخطر = حقهم عندي مثل فرض الصلاه
والخطا وارد على كل البشر = والحضيض الي تعلم من خطاه
ولا لقيت ادها على الرجل وأمر = من ولد عمه ليا منه جفاه
للعرب وجهه ولي وجهة نظر = لي هواي وكل واحد له هواه
يا حلو طعم الغنا عقب الفقر = مير يا شين الفقر عقب الغناه