من اشهر ماقال بندر بن سرور رحمه الله
 

السلام عليكم ورحمة الله وبركاته..
اخواني اردت مشاركتكم هذه القصيده الرائعه لشاعرنا رحمه الله بندر بن سرور.. وهذه القصيده تعتبر من اجل ماقيل.
يالله يا جال الامور المهمة...تجلا وهج قلب برا حال راعية
البر دجته والبحر رحت يمه ...يقطعك يا حظ على الله مساعيه
يوم أن ولد اللاش رزقه على أمه ...رزقي على اللي ميت القشع يحييه
يامل قلب كل ما مات همه ...دارت دواليب الدهر لين تحييه
فراق شمل الناس عيا يلمه...وقت يشيب الراس من شاية فيه
أحد ينام وحط راسه بكمة...واحد تخم النوم عينه وتخطيه
واحد يحاول بالردى بنت عمه...واحد يحاول ستر عذراء عوانية
ماني وانا بندر ببياع دمه...يقطعك يا بياع دمه ومهفيه
اللي يبيع لا بسات الازمه...ثور يبابيض الرعابيب تغنيه
يزعل لياجت ليلة الدوريمه ...يرضى بسوق المال فخوه و فابيه
خطو البخيل اللي يكبر معمه ...يقرأ الكتاب وواجب الله يخليه
إمر هرج لك في رفيقه بنمه...والاعطا وامه تضيع هقاويه
أنشدك ياللي كل فرض تتمه...تقرا الكتاب وكل فرض تصليه
ويش القليب اللي غميق مجمه...ما فاد غرسه ماه . عطشى سوانيه
تخالف الانظار شرق ويمه...وكل هدف رآيه من الناس مرضيه
سم السبب يا عارف عنه سمعه...سم السبب يا عارفه قبل اسميه

وسلامتكم ورحمة الله على بندر بن سرور.
العذر والسموحه اذا هناك اي خطا في نقل هذه القصيده.

Alotaibi
 

مشكور اخوي على هذا الموضوع
واتمنى لك التوفيق في
منتدى الهيــــــــــــلا
تحياتي لك
اخـــــــــــوك
متعب العضياني

الاخ متعب العضياني شاكر مرورك على الموضوع ولا شكر على واجب
مع التمنايات للجميع بالتوفيق
Alotaibi

عسى الجنة مثواه

والله يرحمه

يعيطك العافيه قصيدة جميلة

الله يرحم بندربن سرور

ومشكور على نقل القصيدة ولاهنت

بارك الله فيك يالعتيبي

ولكن هذا البيت غير صحيح

يقطعك يا حظ على الله مساعيه

واعوذ بالله من هذا الكلام

والبيت الصحيح هو

ادرج سبب حظ على الله مساعيه

Alotaibi

لا هنت و رحم الله شاعر الإبداع و المعنى بندر بن سرور

هناك ملاحظه بسيطه:

و هي في البيت الثاني عشر خطاء إملائي حيث إنه كالتالي:

إما هرج لك في رفيقه بنمه...والاعطا وامه تضيع هقاويه

( أما ) و ليس ( أمر )

تحياتي

لاهنت ودمت والله يرحم ابن سرور