يا الحبيب الذي قد لي سنين افقده =حسبك الله ترى الهجران والظلم جور
الجفا له سبب والا انت مستقصده =رد لا تفتكر تجرح علي الشعور
لا تفكرني اطلب حبك استنجده =انت لو مات حبك وسط قلبي قبور
حبنا همي اعرف مين حل عقده =منهو اللي سعى ما بيننا بالنفور
العتب كيف يكذب لك ومتأكده =من كلامه وهو نمام واشي فجور
ما تعرفين اصدق وقتي واسعده =يوم اشوفك بجنبي يعتريني غرور
وما تعرفين ليل الناس ما ارقده =ان غفيت الحقتني صورتك بالظهور
وما تعرفين بيت الشعر يوم انشده =يختلف بحر شعرك عن جميع البحور
انتي اجمل كتاب اقراه واردده =وارجع اتصفحه واحصلك في السجور
الجمال بعيونك ما اقدر احدده =منهو اللي على وصف المحبه جسور
دايما في بهاك ودوم متجدده =زهرة السوسن ازعلتي جميع الزهور
في فمك جمرتين حمر متوقده =والبرد ضم سكر وسط ماي طهور
هب نسناس حبك وارتكى مسنده =وقبل هب النسايم هب جسمك عطور
القمر لا حضرتي غاب عن موعده =خايف في وجودك ما يجي له حضور
طاحت الشمس وسط الليل متجمده =ارسمت وجه حوريه على شكل نور
الجمال متناثر ما قدر اعدده =لو بغيت احسبه يبغالي احسب شهور
تدري العابد اللي بات في مسجده =يطلب الله في الجنه وفي بنت حور
لو نظر صورتك او لمست ايدك يده =يحسبك دعوته ويقبل ايده شكور
آه لو سهم وصلك للجفا اسدده =لا نثر حقود ناس بايته فالصدور