ياعتيبه الهيلا وصل شاعر جديد =يامرحبا بالعازمي يامرحبا
ابرك ليالي جابته واسعد خبر=واللي عقد روس الحبال يحلها
الله يدبر مايشاه ومايريد=في هدهد سليمان والعرش وسبا
عطني علومك فى الصحافه يامطر=واللي عقد روس الحبال يحلها

دام البقا ياشاعر راسه عنيد = ياللي على الطالات والقوه ربا
ابرك ليالي كان ساعدك الدهر = واللي عقد روس الحبال يحلها
الــله يعلم ويش نيات العبيد= لكن قلّي يالشمالي وش تبى
واقر الحديث اللي رواه ابو بكر = واللي عقد روس الحبال يحلها

ترى الجمل لاصار في رجليه قيد=اما برك يالعازمي والا حبا
من ذاق لوعات الليالي يعتبر=واللي عقد روس الحبال يحلها
يالعازمي خابرك شيطانٍ مريد=تضحك بسنك من ذكا مدري غبا؟
تروي حديث ابو هريره عن عمر=واللي عقد روس الحبال يحلها

انته مجرب فالليال ومستفيد= مابين رابغ والمدينه وشعبا
اعرف مكانك مع طويلين العمر= واللي عقد روس الحبال يحلها
قدام لا تذبح ولا تحسب شهيد= اقر الكتاب وصل في مسجد قبا
ترا طريق القافله شوك وحجر = واللي عقد روس الحبال يحلها